|
توه وحش ماتعـــود لبسة البرقــع
توه وحش ماتعود لبسة البرقع
= شيهانة(ن) والهوى شلع ببرقعهـا
وعيونهـا ناعسه والكحــل فى المدمع
= وشقــر الجدايل عن عيونه يرجعها
والقــد رويــان واللــولــو بهــا يلمع
= واردافهــا لبسهــا ماعــاد ياسعـهــا
غــره زمــانــه وفي خـلــق الله بيــرثع
= يـاليـت من هـو يناصحهاويقنعـهـا
عليــه تـــاج الجمــال وفيـه متــربع
= بيديه ساسـه وروس الـزين جامعهـا
كل الغنــاديــر لـو تخلــط ولــو تجمع
= ماساون انفاسها في وسـط برقعهــا
حســبي عليهـا ورا بقلـوبنــا ترتــع
= ماخـافة الله قلـوب الناس تشلعهـا
زلــة بي الــرجــل لاتمــشي ولاترجع
= والنفس من نظرته بالغصب طوعها
عسـاه من حالتــي وســط الملا يجزع
= ويــرد قـلــب شــرايينــه يمــزعهــا
ماشوف غيره ومن عذالها مأسمـع
= يالله مـن عيـون شـر النـاس تمنـعهـا
ياناقل الطير حـذرى الطــير لايطلــع
= الناس وجعـى وزدتــوا في مـواجعها
وتوه وحش ماتعـــود لبسة البرقــع
= شيهــانة(ن) والهــوى شلــع ببرقعها
قصيده للشاعر / صقر الصقر
التعديل الأخير تم بواسطة مَاجِد ; 16-04-2010 الساعة 06:17 AM
سبب آخر: كيف أسوي التنسيق :(
|