ابشر
اول ماتوصل طبعا تروح للباب نفسه الي سلمت فيه اوراق الكشف وعطوك موعد تنتظر لمن يفتح الباب عسكري
وياخذ الورقه الصغيره الي مكتوب فيها الموعد ويقول لكم انتظرو وشوي يجي ينادي بالاسامي ياخذون
مجموعات ويفحصونهم واول مجموعه دخلوهم وكنت معهم وودونا على طول عند قياس الضغط
وبعده رحنا عند الباطنية ويخليك تنسدح على السرير ويفحصك وبعد ماخلصنا
وعطونا اوراق قالو لنا روحو المختبر اسحبو دم وبول وانت بكرامه وتعالو
ورحنا خلصنا ورجعنا انتظرنا عند الباب ونادو بأسامينا مره ثانيه ودخلوني وقالو فسخو كل شي خلو بس السراويل
القصيره وقاسو طول ووزن وبعده عند النفسيه يسألك وش اسمك كم عمرك ومن وين وقال لي
سكر عيونك وافتحه وانفخ عشان العدسات اعتقد وقال لي روح للنظر جنبه على طول ويفحصك اول شي حق
عمى االاوان وفي وراك لوحه فيه الاشارات حق فحص النظر وقدامك مرايا تناظر بالمرايا وهو يأشر وانت تقول
وين متجه الحرف وبعده على المصري الي يقول لك نزل السروال وبالاخير الاشعه تروح تصور اشعه
ويقولون لك تعال لنتيجه بعد ثلاث ايام او هم يحددون لك الموعد
بالتوفيق دعواتك لي باقي ماطلعت نتيجة التحاليل