عابر وخطواتي مواقـع للأزهـار
عابر خيالاتـي مواسـم سحابـه
عابر وابهدي للزمن كل الاشعـار
نزف القلم هم الـورق والكتابـه
عابر وابنسف في شرايني اعصار
جربت انا الغربه وشفت الغرابـه
عابر بلا تفكيـر مليـت الافكـار
ومليت من طول الشقـا والكآبـه
عابر بدون اسرار هو باقي اسرار
حتى الالم صارت دروبـه تشابـه
عابر وزادي بالسفر حب الاسفار
عابر طريقي بين صحراء وغابـه
عابر وابنهي مرحلة نضجي الحار
عابر وابلغي من عذابـي عذابـه
في تربة الغربة نبت عندي اصرار
وعما يقول الناس ما املك اجابـه
عابر واذا قررت ما حب الاعـذار
ويكفين وصف البعض بانسان نابه