باب السهر يا ضيقة الصدر مفتـوح
تمخطري .. ما حولـك الا عيونـي
للصمت لذة .. لا غدا للولـه بـوح
رغم ان صمتي ما يخفـف طعونـي
بي حزن شاعر وابتسامات مجـروح
ولي دمعتيـنٍ لا سهيـت ذرفونـي
ما كن لي قلـبٍ ولا كـن بـي روح
ما هوب ذا شكلـي ولا هوبـلونـي
متوحدٍ في غربـةٍ ترفـض تـروح
مستوطنتني كنـي احيـا بدونـي !
يا غايبة صـوت التناهيـد مبحـوح
والا الصدى ما مل يجـرح سكونـي
لا صار باب الصدر للحزن مفتـوح
مانيب لايم دمعتي ..... يا عيوني !!