[mark=#FF0099]
الشآآآعرة/ عآبرة سبيل
( رحمة الله عليهآ)..
[/mark]
العيد باكر
العيد باكر أسعـــــد الله ممســــاك
والله مدري ويـن خــــدٍ جلستــــه
وين انت ياللي عيدنا في محياك
كف القدر من ضيقة الخلق بسته
من يوم ما لوحت لي كف يمناك
لليوم دمعي بالخفا مـا حبستــــه
ومن يوم ماذوقتني حر فرقــــاك
والياس زرعه في حياتي غرسته
شريت لي ثوبٍ علي شان لقياك
والــثوب راحت موضته مالبسته
وشـريت عطرٍ ما زهاني بليـاك
أربع سنيـن بعلبتــــه مالمستــــه
ودفتر قصيدٍ كل يـوم يترجـــــاك
مافيه يومٍ ماسهـــــرت ودرستـه
يسألوني
يســــألوني عـــابـره ويـن الجديـد
والإجــــابـه ضايقــــه فينـي مــلـل
راحت ايام السعــــاده والقصيـــــد
عشتهـا بيـن التكــــانـه والجهــــل
كنت أروض شـــارد الحرف العنيد
ماعســــرني لو بغيتــه فـي عجـل
فيه أصـــور لوعــة الحـب الأكيـد
ومنّه (أشكل) ماحوى قلبي غـزل
ومعـه (اسافر) عن معاناتي بعيـد
ولأجل حبــه ماشحنّي من زعــــل
أحضنه (فرحة) طفل في يوم عيد
وأسكنه (روض) الخزاما والنفــل
واحتويته ليت لي (قلـب ٍ) بليــــد
ماعــرف (فرق) الجزاله والهزل
والنهـــايه مابقـى عنـــــدي جديـد
واعذروني صـــارت أيامـي ملـل
الوصيه
تـرى الذبايـــح وأهلهــــا ماتسّلينــــي
أنا أدري إن المرض لا يمكن علاجه
أدري تبي راحتــي لا يابعـــد عينـي
حرام ما قصّــــرت يديك فـي حاجـه
أخـذ وصـــاتـي وأمـــــانـه لاتبّكينـي
لو كان لك خاطرٍ ما ودي أزعاجـه
أبيك في يديـك تشهــدنـي وتسقينـي
أمانتك لا يجـي جسمــــــــي بثلاجـه
لف الكفن في يديك وضف رجلينــي
ما غيرك أحدٍكشف حسناه واحراجه
أبيك بالخيــــر تذكرنـي وتطـــرينـي
يجيــرني خالقي مـن نـار وهّاجــــه
سامح على اللي جرى مابينك وبيني
أيام نمشـي عــــدل وأيـام منعـــاجـه
همّــي عيالي وأنا اللي فـيْ كافينـي
علمهـم الديـن تفسيـــــره ومنهاجـه
بريال عارضته
بريال عارضته على السوق بريال
من باعني برخيص والله لأبيعـه
من يشتري رجّال قصّر بالافعـال
باع العهـــود الماضيـه للخديعـه
رجّــال يسوى له ثمانيـن رجّـال
كل الصفات اللي ملكها فضيعـه
له ضحكةٍ تشبه لضحكات الأطفال
ذيبٍ ونظراتـه حنونـه وديعـــــه
وله فزعةٍ منها المجانيـن عقّـال
وفجوج لا ضاقت عليّ الوسيعـه
ياما عدل عوجا ثقيلات وطـوال
وأنا معاقبتـه غيــــــورٌ صريـعـه
والله يسوى لـه ثمانيـن رجّــــال
والخبل مثلي لا زعل يب يبيعـه
البطاقه الشخصيه
أنا عجـوز مطلقـة وام ورعــــــان
وأيضاً مدام وبنت وآنس وعانـس
أنا بدوية وعايشه عنـد حضـران
وبنت البحر وابوي زارع وغارس
أميّــة ماتعـــــرف حـروف وألـوان
وتلميــــذة دشـت جميـع المـدارس
ضفره وخبله ، عاقله،في نقصـان
شــرود وأنطح لي ثمانيـن فـارس
خلونِ أعيش العبره دون عنـوان
طيف يمــــر بـلا رقــابـه وحـارس
نون
هو يعــــرف أن القصايد خيالات وفنـــــون
واقعي مافيه غيــــره شــــريـك بدنيتـي..
ما لعبــــوا اهل المغــازل عليه ويخسـون
ماشيه في حشمةا للي مشى في حشمتي
من تربي مثلي فـ بيت عـــزٍ مايخـــــون
غاليه بالحيــــل بالحيل عنـدي سمعتــــي
ماسهرنـا بالليــــالـي ندقــــــدق تليفـون
امحشــــوم اللي نواه الجليــــل بقسمتـي
غالي لو هــــو يبي قصـة العاتـق يمـون
حجتـــه تبقـى وتسقـــــط لعينــــه حجتـي
هو نـــون وحطه المعتلي في وسط نون
في يدينــــه دمعتــي وفي يدينـه بسمتـي