السلام عليكم ورحمة الله وبركاته مسائكم الله بالخير اخوواني ابي اقولكم موضووعي وانتم احكمو على الي يصير لان مالي غير الله وثم شوركم انا امس رحت الى مركز التدريب الامن العام جيتهم الساعه يمكن 7 ونصف صباحا ومادخلونا حتى وصلت الساعه 11 قال العسكري تعال بكره الي هو اليوم الاحد الموافق 18 /5 جيتهم ودخلونا الحمد الله المهم ان الي حصل قالو الي مامعه كشف ( يعني الي قالو المستشفى ان هم يرسلون كشفهم ) يجي يسار رحت يسار وجانا العسكري وقال تعالو دورو كشفكم هنا دورت كشفي ومالقيته .. وكان معاي صديقي اسمه ( سعود ) خويي هذا له اسبوعين وهو كل يوم يجيهم ويقولون كشفك مالقيناه المهم طلعت انا والرجال ودقيت على الوالد وعلمته قالي الان اكلم لك رجال يجيكم ويشوف الوضع .. بعد ربع ساعه جاء الرجال وعلمته بموضوعي انا وخويي قال تعالو دخلنا وبعدها قالوي روح لفلان الفلاني وانا بنتظرك هنا .. رحت ودورت على الي ارسلني عليه وجيته وقلت انا مالقيت كشفي دخلني غرفه وقالي دور كشفك هنا ..وانا بروح وارجع لك .. والله ثم والله يا خوووان مامداني حتى ادخل الغرفه وهو يجي رئيس رقباء ويقولي تعال مين قالك ادخل قلت والله الي قالي الرقيب فلان قالي اطلع برا قلت له يابن الحلال ابي ادور كشفي وهو يصرخ علي انت ماتفهم اطلع براء والله طاااح وجهي قدام الطلاب قسم بالله قهر .. المهم رحت الى الرقيب وعلمته وقلت له الي صار قالي تعال ودخلت معاه الغرفه من جديد وقال دور كشفك هنا دورته ومالقيته قالي طيب دور كشفك وفتح لي درج هنا للاسف الي فيه كلهم (غير لائق عسكري) جلست ادور كشفي وصدفه وانا القى كشف خويي سعود معقوله غير لاق ليـــه .. والقى السبب مع العلم انه سبب تافه لان الرجال ماعنده الا سنين فيها سوسو قلت بس اكيد راح القى كشفي معااه .. وجلست ادور وصدفه والقى كشف واحد معرفه والنتيجه كانت ( لائق عسكري ) قلت هذا عطاني امل شوي وجلست ادور الكشف ولقيت واحد بعد معرفه مكتوب عنده لائق عسكري قلت ياولد ورب الكعبه ظلم وش ذنب الشباب هذولا بسب اخطاء بوضع الملفات بطريقه غير صحيحه ولقيت اكثر من 16 شاب كلهم لائق عسكري وكشفي للان مالقيته .. رحت لرجال وقلت ماحصلت كشفي قالي اكيد ان المستشفى للان مارسل الكشف دقيت على اخوي ( بتبــوك ) وراح لمستشفى قوى الامن وسائلهم وقالو والله ارسلناه حتى شوف هذا رقم الصادر والوارد .. دق علي اخوي واعطاني رقم الملف وكلمت الرجال وقلت له ان كذا رقم الملف قالي روح الى شؤن الاتصالت والبريد رحت لهم قالو والله ماعندنا شي ارجع الى لجنة القبول والتسجيل رجعت لهم قال لي عسكري يابن الحلال انت اكيد راسب بالنظر ( لان فيني ضربه بالجفن ) قلت له شوف بي ضربه بي ضعف نظر مايهمني الي يهمني ابي الكشف حقي حتى لو كنت راسب قالي تعال نعيد وندور كشفك قلت طيب ونرجع وندور الكشف من جديد ومالقيته قالي خلااااص تعال بكره يمكن يجي الي هو يوم الاثنين والمصيبه والله يارجال اليوم موعدي بالسجون وطنشتهم علشان الامن العام وخويي سعود له اسبوعين بالرياض ومتغرب وبالاخير ( غير لائق ) ورب المصحف شي يقهر ابي شوووووركم يارجاااااال