السلام عليكم ورحمة الله وبركاته

فترة طويلة جداً عدت علي كان عندي استفسارات كثيرة جداً بخصوص الوظيفة ، للأسف 5% من المعلومات الموجودة صحيحة والباقي خاطئ .

وزارة الخارجية وحسب استنتاجي ومراجعتي لمواضيع السنوات الماضية وقبل الماضية ، وجدت فيه تغييرات سواءا في طريقة التقديم او الاختبارات .

عموماً ، اتمنى يكون موضوعي مرجع لنا جميعاً ، وراح اوافيكم بكافة تفاصيل التقديم .

أولاً : ضبط ملفك بالكامل "ملف اخضر علاقي" ، ولازم يكون اول ورقتين هي طلب التوظيف الموجود بموقع وزارة الخارجية بعد طباعتها بالحاسب الآلي .

ثانياً : يجب أن تكون صورتي شهادة التخرج عليها ختم "صورة طبق الأصل" "أو ختم الجامعة" والجهة الوحيدة اللي تصدق من عندها صور الشهادات هي الجامعة المصدرة منها ، وشفت ناس كثير رجعوا بسبب صور الشهادات غير المصدقة . "لازم يكون ختم الجامعة موجود"

ثالثاً : عدد المتقدمين كبير جداً ، لذلك انصحكم بالحضور في وقت مبكر الى مبنى الوزارة "عند ميدان البيعة" بعد المنطقة التاريخية بالبلد - جدة .

رابعاً : تأكدوا من التخصصات المطلوبة ، لاحد يقول عندي خبرة وعندي شهادة ، بتوقف على الفاضي وبتطلع وبيرجعونك ، وبتتعب نفسك 3 ساعات وقفة على الفاضي .

خامساً : بعد التقديم بتحصل على ورقة تخولك لدخول الاختبار المقام بجامعة الامام محمد بن سعود بالرياض ، مكتوب فيها اسمك وتخصصك ومكان التقديم ، وفيها صورتك مختومة بختم وزارة الخارجية .

اخيراً، اتمنى اللي عنده معلومات عن طريقة الاختبار هل هو اختيارات ام مقالي ، كيف طريقته بالتفصيل .

طبعاً مانبي معلومات الوظائف الاخيرة اللي هي "باحثة دولية " ، عرفنا طريقة اختبارهم لكن نبي معلومات من اللي مروا بتجارب سابقة بوظيفة ملحق ودخلوا الاختبار ، وشو كانت طبيعة الاسئلة ؟ وكيف كان اختبار اللغة ؟ وكم وقت الاختبار ؟ وعدد الاسئلة ..

اتمنى توافونا وتساعدونا ياشباب ، مشكورين ، واي استفسار عن التقديم انا حاضر .

تحياتي .