جـــــواب اسئلتكـ

1 : هل استطيع ان اقدم على عملي فور حصولي على وثيقة التخرج؟
ترفع الشهاده الجامعيه لعملك و تترقى على طول
لان غالبية الموظفين اللي ع 4 معهم ثانوي
واذا رفعت الشهاده الترقيه راح تكون باذن الله من نصيبك
وتترقى بســرعه في المراتب الاخـرى

2 : هل استطيع ان اقدم على وزارة أخرى مثل وزراة الشؤون الاسلامية والدعوة؟
ما تقدر تقدم على وظيفه حكوميه الى اذا فصلت وتجلس سنه وينزل اسمك
تقدر تقدم بس بحركه اخرى جدا ممتازه بس ما ادري تزبط معك او لا
تنقل خدماتك من قطاع الى اخــر بترقيـــه وهذي صارت في الهيئه قالوا نبغا موظفين
وحطو شروط في الموظفين وكل اللي نقلوا نقل بترقيه
مثلا كانوا ع الرابعه صاروا الخامسه..الخ

3: هل تنصحوني بإكمال الدراسة أو الحصول على دورة او دبلوم بعد التخرج؟
اكــيد الدراسه حلوهـ
بس دبلوم او دوره ما انصحكـ لانها ما راح تنفعكـ كثير
و خساير ع الفاضي سووا في دورات كمبيوتر او... الخ
تقريبا التكلفه مرتفعه وما فيه فايده
بس لو تقول لي مــآجــستير بقول لك وانت مغمض
ممكن تقول رسوم مرتفعه بس اسمها ماجستير
فيه عندك جامعة الملك عبدالعزيز بــس رسومهم الترم 18 الف
و 72000ريال تكلفة الدراسه سنتين 4 مستويات
طبعا انتساب والاختبارات في الرياض
وطبعا اذا صار معك ما جسيتر راح تصير مؤهل لمنصــب قيادي كبــير



4: هل تنصحوني ان اقدم استقالتي خاصة اني الاقي مضايقات في عملي؟ وابحث عن عمل آخر؟
ما انصحك لعدة اسباب منها
انه جامعيين ميتين ع وظيفه حكوميه رسميه ومو محصلين
ثاني شــي لو بفصل لا زم اجلس سنه كامله عشان اقدم وبعد السنه هذي احتمال يفتح الديوان او لا
واذا فتح سالفه الى ان يجي الفرز يعني سنتين راحت علي لو اني جالس على وضعي اكون انا ترقية الخامسه الدرجه 6 تقريبا وراتبي افضل من راتب اللي في السادسه الدرجه الاولى
وفي نفس المدينه اللي انا فيها مو يقلعوني في قلعة وادرين
واقعد على قردك لا يجيك اللي اقرد منه

5: هل يحسب لي الخدمة التي امضيتها في عملي الحالي
خدمتك تستفيد منها في التقاعد فقــــــط

6 : على أي مرتبة سوف احصل عليها إن توفرت لي الوظيفة؟ السادسة او السابعة؟
السادسه الدرجه الاولى وراتبها حوالي 5200 ريال
السابعه اما ماجستير
او بكالوريس هندسه فقـــــــــــــط
وبعض الاستثناءت مثل كاتب عدل و الخ....



لاتنسوني من صالح الدعاء