آه يا زمن كثر ما تضحكنا تبكينا
طول بُكانا يا ليتك تحن وتسلينا
آه من ذكراك يوم حطمت أمانينا
ليه جمعتنا بالحب ثم ليه تعنّينا
كتبت فرقى ومرت بعدها سنينا
وخوفي لا يكون قصدك تنسينا
حبنا راسخ لأنا زرعناه بيدينا
شامخ وما تثنى لظروف مرت ليالينا
تقدر تفرق ولكن ما تقدر تنسينا
مشاعرنا وكيف كنا نشبك أيدينا
وكيف نقرا خواطرنا إلي تغنينا
عن كل كلمه تعجز توصف معانينا
ولّا ضمتنا إلي من الداخل تشفينا
وتبري جروح منك يا الزمن فينا
تكفى يا زمن إن كنت بالفعل ناوينا
اجمعنا سوى قبل تصدر الحكم فينا
آه يا زمن كثر ما تضحكنا تبكينا
بكينا بالبدايه ونهايتنا ناس تبكينا