اخوي كيف ما .. الله يرزقك ان شاء الله بوظيفه احسن منها .. بس انت لا تزعل ولا تتضايق
ترا الرازق رب العالمين .. واعجبتني كلمتك يوم تقول كنت اصلي بالسنه حسنه .. ياخوان الصلاة اهم شيء ياخوان . والله اننا مقصرين بحق الله من عباده .. ورغم ذلك .. ندعي بوقت الوظائف او المصائب لله .. طول عمرك مقصر بحق الله والأن ماتعرفه إلا بوقت المصايب على الرغم من شيء مهم يجب كل شخص مقصر بحق الله تعالى ان يعلمه [ بأنك اذا رفعت يدينك لله عز وجل ودعيته ] ربك يستجيب فوراً .. في ناس تخطئ وتقول ربي ماستجاب لا .. خطأ كبير ... ربك يقول اي عبد يرفع يدينه ويدعو استجيب له .. ولكن .. مو معناته ماوفق الشخص بهذا الأمر بأن الله ماستجاب .. ربك استجاب ولكن صرف عنه هذا الامر او الوظيفه لـ [ خيره ] له .
لجل كذا لاتزعل ولاتتضايق ثق تمام الثقه بأن ربك استجاب لدعائك ولكن صرفها عنك خيره لك .
ودائماً خلي نفسك متعلقه بالمسجد والصلاة .. والله والله راحه نفسيه وماتهمك الدنيا وربي يفتح لك ابواب رزقه اذا كانت نيتك سليمه ونظيفه ومتعلق بحب الله عز وجل .
اما الي مايصلي اكيد ياغالي بيكون معصب وانسان طفشان اربع وعشرين ساعه سبحان الله الي مايصلون روح لأي شخص مايصلي تحصله [ طفشان اربع وعشرين ساعه ] رغم تعدد طرق وادوات الترفيه عنده .. هذا بختصار لأن اساساً القلب ضاق بسبب البعد عن ذكر وعبادة الله ..
والله عز وجل قال ..[ وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى ]
اكثرو من الاستغفار فأنه باب الرزق .. وحافظوا على صلاتكم فأن العهد الذي بيننا وبينهم الصلاة فمن تركها فقد كفر.
واعيد واقول الصلاة الصلاة . ترا هي الي تحسن وضعك ونفسيتك من الداخل والخارج وتحسن اخلاقك مع اهلك واصدقائك والناس كلهم وتخليك مبسوط ومرتاح على طول .
ونسأل الله العلي القدير بأن يوفقنا ويوفقكم لما يحب ويرضى .
موفق بعون الله .
تحيتي