السلام عليكم ورحمة الله وبركاته
اخي العزيزانا عندي لك نصائح وان شاء الله انها تفيدك

اول شيئ اهتم بديكور المحل وحاول انك تصبغ الجدران وتسوي ديكور من محل معروف جدا ويكون قريب منك
السبب انك اذا سويت هذا الشيئ بيكون شبه دعاية لك لانه العامل الي صبغ وسوى الديكور سوف يساهم في جلب الزبائن للمحل بحيث ان محلك بيكون مفتوح وهو كل ماراح لزبون يقابله و الزبون طلب من عنده يشوف تصاميمه
راح يرسلهم على محلك وانت الله الله في الاسلوب والتعامل تفضل

ثاني نقطة اعرف كم من المدة تصبر التفاحة قبل ماتخترب وكم فترة حفظها او مثلا البرتقال او اي شيئ
وحاول انك تتخلص من هذي الكمية قبل ثلاث ايام في محل ثاني او انك تشوف لك اجانب يخذونها منك بنصف السعر

الفائدة من هذه النقطة انك تتخلص من الاشياء الي راح تنفر الجماعة عنك خلي بضاعتك كلها جيدة اي شيئ خربان
تخلص منه لانه الناس اذا اخذو من عندك صندوق تفاح او رصت تفاح بـ 15 ريال راح تربح اليوم لاكن الزبون نفسه ماراح يرجع راح يدور على محل نظيف اما لو انك تخلصت من الصندوق راح تصير بضاعتك كلها جميلة
وهذي العملية ماراح تطول ممكن انك ثلاث شهور وبعدها زباينك على طول معاك وصدقني ولا راح يفضل عندك شيئ كل البضاعة راح تمشي واثناء هذه الفترة سجل كم كرتون بعت من كل بضاعة وجيب كمية مثلها كل شهر
الا اذا زادو عملائك حاول تزيد بشكل تدريجي

اللوحة حاول يكون ارتفاعها على مستوى ارتفاع العين و الوانها تكون متناسقة واذا شفت ان الوانها اختربت من الشمس

حول تستبدلها لانه الناس اذا شافوا اللوحة الوانها رايحة فيها اكيد بيحكمون على المحل انه رايح فيها وبضاعته تعبانه

واتمنا اني فدتك