اقتباس:
المشاركة الأصلية كتبت بواسطة مجنون شهار
ودي اقولك انه يا ليت ونتمى ان هالخبر صحيح
بس للاسف هالكلام مجرد اشاعه وكلام في الهوا
لان مو من حق اي مدينه تدريب تدق على احد الا اذا الاكاديميه بالرياض اعطتهم الاسماء او قالت لهم يتصلون
او الاكاديميه بنفسها يتصلون ،،
لان مراكز التدريب ما جاتهم الا ارقام واسماء المقبولين مبدئيا فقط ،،
يعني من وين بيصرفون اسماء وارقام للاحتياط اللي تقول عليهم من روسهم ؟!؟!؟!؟!
لكن نقول ان شاء الله انهم بعد ما يخلصون المقابلات بيوم 21/7 يبدأون يدقون على اللي ما طلع رقمه
او اللي عنده استثناء ،،، قبل هالتاريخ لا تدور احد يتصل عليك من مراكز التدريب الا اذا كان لك موعد ومارحت
مو قصدي اكسر مجاديف الشباب او احطمهم يعلم الله انه ودي الكل يتوظف وان كل من قدم يدخل هالدوره
لكن عشان محد يتمنى شي او يحط براسه شي وهو باقي ما صار ،،،
لا تنتظر شي قبل تاريخ 21/7 لان الاسماء بترفع للرياض من جميع المراكز من بعد هالتاريخ
بيرفعون بيانات بجميع من طلع رقمه كلن حسب مركز مراجعته ،،، وبيتجسل كل شي بالبيانات
اللي عدى كل شي بينكتب له اجتاز القبول المبدئي واللي عنده مشكله بالطول بيكتبون قدامه لم يجتاز الطول فقط
واللي ما عدى بانظر يكتبون لم يجتاز النظر الخ .......
انا ما افتيك من راسي هذا كلام اثنين من اللجنه وكلهم ملازمين اوائل بالمركز ،،
لاني سألتهم عن وضعي لان اللي بالطول كتب طولي 165 وخفت انهم ما بيرفعون للرياض الا اللي عدى بكل شي ،، لكن طمني وقالي كل شي بيروح لا تخاف بس كل واحد مكتوب قدام اسمه اجتاز او لا ووشهي الملاحظه اللي عليه ،،، يقول حتى اللي ما حضر المقابله نكتب قدامه لم يحضر ،،،
يعني انتظر لين يرفعون الاسماء للرياض وبعدها يشوفون اذا فيه نقص بالعدد او اي شي ثاني حسب ما يشوفون او الواسطات بتشتغل ووقتها بيتصلون ،،،
هذا الكلام اللي صاير حاليا واللي المفروض اننا نقتنع فيه ونرضى بكل شي ما بيدنا شي وما علينا الا ننتظر ونشوف وش نهايتها معهم
ان اصبت فمن الله وان أخطات فمن الشيطان
الله يوفق الجميع ويرزقنا بالوظيفه في القريب العااااااااااااااااجل يآآآآآآآآآآآآآآآآآآآآآآرب
|
بيض الله وجهك ماقصرت
وان شاء الله انهم بيدقون علينا
ونبي نجتاز كل شي
يااارب يسرها لي