عندي المربع الاول ما سعرته لاني ما ابي ابيع شي منه وهو بيتين و 16 ارض بمساحات متفاوته واتوقع تقريبا من 3 الى 4 مليون ويمكن تزيد او تنقص ما يهم المهم ان ما فكرت الا انها تكون ملك لاولادي اذا جو ان شاء الله
بالنسبه للمربع الثاني فالمصروفات الشهريه متواضعه لاني عاطل تقريبا من 3 الى 4 الاف مصاريف
والمربع الثالث 500 ريال اقساط قرض زواج و 1000 ريال اجار تموينات زايد فواتير كهرب ومويه وجوال
المربع الرابع نفس الاول ما افكر في بيع حتى ان جا واحد من اخواني يبي يشتري قلت عشان اعزك المتر بمليون والا لغيرك لو يعطيني فلوس الدنيا ما اعطيته سانتي فشايل من بالي البيع ابي ازود عليها عشان اريح اولادي واحفادي من الشقا فما ادري وش يصير بعد مرور السنين وكم بتكون الاسعار وهل بيكونوا قادرين او لا

صحيح عاطل والحين كل الي في جيبي 14 ريال واحيان احتاج لشغلات ضروريه وافقد اعصابي بس شوي واتمالك نفسي واطلع ادور رزقي والحمد لله يجي الي يكفي المصاريف بس برضو ودي أمن مستقبل الورثه بالرغم ان متزوج من قريب وما بعد جالي اولاد بس احس احيان باحباط ان ليش ما تضبط الامور بالرغم اني اتعب واجتهد لجل اطلع زي الناس وافتك من كابوس العطاله والاحساس احيان اني ماشي في الطريق الخطا بالرغم من التفكير ومحاولة اكتساب الخبره قبل اي تفكير او خطوه اتجه لها

بالنسبه للديون باقي 19 الف من قرض الزواج و 300 ريال قسايم حق ربط حزام و 1440 ريال للاتصالات و 137 ريال للبقاله اما الي لي على الناس يمكن ما تزيد عن الميه واربعين الف كلها اسلاف من 100 الى حد 50 الف مسلفها وتاركهم على راحتهم عشان لو تورطت وما لقيت مبلغ اروح لاي واحد واطلب الي لي عليه وإذا ماشيه اموري ولقيت رزق يوفي بالغرض اتركها للورثه << احس اني بوسوس من كثر التفكير في مستقبلهم وانا عاطل لا شغله ولا مشغله وشاب راسي من التفكير لجل الاقي طريق خروج لبر الامان