السلام عليكم اختي
هذي نصيحة لك ولبقية الاخوان والاخوات
يعلم الله ان ظروفك نفس ظروفي عندي افكار وتخطيط بس فيه تخوف وتردد
من عام 1425 وانا عندي افكار وخايف انفذها اخاف اخسر لحد ما قريت للراجحي مقالة من ضمن لقاء معه يقول بعد التوكل على الله ودراسة المشروع لابد من المجازفة لابد من المجازفة ثم تهورت وتدينت سيارتين ولايصفى من راتبي الا الف ريال ولا قلت لاحد وشريت بهن ارضين زراعية وطلعت قرض على وحدة وشريت تريلة وبديت اجهز الارضين للزراعة والتريلة شغالة وناوي اشتري الثانية ان شاء الله بس ما احد يدري عني حتى بعض اخواني مايدري والحمدلله ارتحت نفسيا وباقي كم شهر واخلص اقساط السيارتين بس بقولك حاجة جاني حالة نفسية لايعلم بها الا الله بعد ماتدينت السيارتين لدرجة ان امي تقول وش فيك منت طبيعي وصارت تجيب لي مويه مقري فيها
طبعا انا كنت افكر من عام 1425 ونفذت عام 1429 يعني اربع سنوات وانا متردد والله ندمت اني ما بادرت من اول
والحمد لله على كل حال
وبالتوفيق للجميع