يحسب اننا بنسوي عرضة وبعدين بيقلطونا على العشا...واسحب سيف قلب المملكة واروح لقلب الاسد ...قلت له الله يرحم والديك خل نتفاهم...قالي نتفاهم على ايش...قلت بلاش حرب ...بالله وش تستفيد لما تذبحني...؟؟؟انا عارف انك تحسب ان عندي غنايم قسمن بالله ماعندي ولا شي...حتى الخيل اللي معي هذا حق كفيل هيبة فنان...تبغاه خذه...قال خلاص عطنيه واخليك تروح...عطيته الخيل ...وفي نص الطريق تذكرت ان كرت العايلة في السرج وارجع له قلت له فيه اوراق مهمه في السرج ابيها قالي مالك شي عندي خلاص خذيت الحصان قلت شوف بالله....تجيبها ورجلك فوق راسك...قالي ضف وجهك.....ناظرت ورا وقلت لزيدان جهز الرماة..قالي ازهلهم كلهم عندي...قلت له هيا ارمي...ويرمي اول سهم ويصك في راسي...قلت يازينه لو كان في راس العدو....انثبر بس ولا عاد اسمع لك كلمة....

اشرت لقلب المملكة وقلت له هجووووووووم... الشايب وهو يجري طاح ...وطاح نص الجيش فوقه ....مابقي الا زيدان...قعد يناظر فيني ويقولي : ثمة خطب ما..؟؟ قلت له أي ثمة خطب...؟؟ جيشي طاح وتكسر...وانت جالس تتعلم العربي الفصيح على حسابي..؟؟ ما سلم منهم الا هيبة فنان ... جاني يقول لي واللهي انا في ادروب...قلت له تضرب مين ياصديق؟؟ خلاص روح...

قلت لقلب الاسد شوف جيشي متسدح قدامك خذ منهم اللي تبي ...بس الله يرحم والديك عطني كرت العايلة ترى فيه اسم امي ..قالي مافيه كرت...قلت له ترى لو عرفوا سكان الامبراطورية باسم امي تراها فضيحة....الله يخليك جيب الكرت ...وقمت ابكي وااقول له والله لا اجيب لك عيال عمي...
قلت له طيب...ابعطيك حل وسط ....ابسلمك الامبراطورية البيزنطية ..والرومانية ...والفينقية ...والصينية...وخذ معها مجانا حضارة مابين النهرين....قالي لا يكون هذي اللي في جدة...تراني ما ابيها حتى لو ببلاش....حضارة كاملة وامة تعيش بدون تصريف سيول....قلت له ما بين النهرين في العراق....وترا كل الامبراطوريات عليها صكوك ومخططة...يعني لا تشيل همها...قلت في نفسي ان شاء الله تغرق انت وجيشك في السيل

مقابل انك تجيب كرت العايلة....قالي خلاص تمت البيعة....قلت خلاص بكرة نتقابل عند كتابة العدل الاولى عشان انقل الصك باسمك قالي لا يكون الصك مزور زي ماصار في ثول...قلت له لا كلها صكوك اصليه....

وتمت العملية بنجاح...

ما يستفاد من القصة:
1\ اذا بعت سيارتك والا بيتك خذ اغراضك لان القانون لا يحمي المغفلين
2\اذا نويت تشتري ارض تأكد من الصك قبل ما تدفع قروشك
3\ اذا كنت تبي تحارب خذ لك ناس صاحية
4\والاهم من هذا كله لا احد يعرف اسم امك....حتى لو كان اخوك

وسلامتكم


وترقبوا قصتي مع اسامة بن لادن
ابو فجر حاكم اوروبا القديمة