اقتباس:
المشاركة الأصلية كتبت بواسطة دكتورة المستقبل
الله يوفقك وكل مظلوم ان شاء الله راح ينصرك
|
اقتباس:
المشاركة الأصلية كتبت بواسطة دكتورة المستقبل
|
شكراَ دكتورتنا على ردك ودعائك ,, ويآآك يارب ولكل مظلوم
اقتباس:
المشاركة الأصلية كتبت بواسطة راجو القحطاني
أجل خلك في عملك الجديد
|
اقتباس:
المشاركة الأصلية كتبت بواسطة راجو القحطاني
و اطلب اخلاء طرف و لا تعطيهم شئ
و حتى لو وصلت مكتب العمل قل لهم ما طلبت منهم تأمين
هم اللى سجلك عشان تكون حجتك واضحة
|
أخوي راجو ابشرك الأمور طيبه وعال العال
اليوم يا طويل العمر رحت مكتب العمل وياهم دوخوني مابقى مكتب مارحت له المهم آخر شي قالوا
رح قسم الإدعاءات ورحت لقسم الإدعاءات الجماعيه لقيت هناك موظف في قمة الذوق علمته بالسالفه
قال لا تطمن انت ماعليك شي بس رح لقسم الادعاءات الفرديه وهناك تلقى الجواب الشافي
ورحت للقسم هذا لقيت موظف في قمة الغباء والبلاهه للأسف,, قلت له عندي استفسار لو تكرمت
قال ماعندي استفسارات 
قلت ليه قال ممنوع من الوزارة 
قلت طيب انا عندي مشكله وين اروح قال روح وزارة العمل الي بالمرسلات جنب الإتصالات قسم الإستشارات القانونيه شي زي كذا مو ذاكر بالضبط
وبعدها توجهة للوزارة وصلت هناك على الساعه 11 رحت للمكتب المسؤول عن هذي المشاكل
لقيت عليه ورقة مكتوب فيها (الإستشارات القانونيه بعد صلاة الظهر الرجاء عدم الإزعاج )
قلت يالله دام اني وصلت هنا راح الكثير وبقى القليل رحت افرفر في المبنى ياهم عليهم تكيف في عز ذا الحر بس يعجبك 
وصلينا الظهر ورحت للمكتب وقابلت الموظف وعلمته بالسالفه وقال موضوعك في الشؤون الصحيه 
رح لقسم مدري وش اسمه بعد 
قلت لا يا لغالي ترا موضوعي عندكم وانت شكلك فهمت السالفه غلط قال طيب وش السالفه
رجعت علمته بالسالفه من جديد قال اهاااا <<< توووه استوعب 
قال لا ابد انت ماعليك شي قلت اكيد قال لحظه وصاح بكل صوته يعلم واحد في المكتب الي بالغرفه
الي جنبه لين فقع طبلتي 
رد عليه الثاني وقال لا ماعليه شي والشركه هي المسؤوله عن التأمين بعدها قلت طيب لو
ابي اشتكيهم وين اروح قال روح مكتب العمل 
قلت له ترا تعبتوني قال تدري وش تسوي
قلت وش اسوي قال رح للشركه حقتك وقل لهم تعطوني اخلاء الطرف ولا اشتكيكم لمكتب العمل
وشف وش راح يصير 
قلت اكيد قال ااايه توكل على الله بس اعتبر اخلاء الطرف في جيبك
وبعدها اتصلت على الشركه وقلت ترا انا رحت مكتب العمل وسألت عن التأمين قالوا انه عليكم
مو علي واذا في شي غير كذا في العقد علموني والي له حق راح ياخذه<<< قالها معصب
قالوا لي خلاص مايصير خاطرك الا طيب بكره تعال وخذه 
وانا بروح لهم بعد بكره لأني بكره مشغول وبأشوف وش يصير