لاحول ولاقوة الابالله

ياشيخ والله انا كنت زيك بس الفرق انه كانو الموظفين الاجانب يعطوني شغل ولا عن 3 موظفين والله كان دوامي مسبب لي ارهاق شديد >>> من الكرف

على اني كنت موظف استقبال بس لوا علمك شنو كنت اسوي يعني طبيعة عملي والظغط الشديد الللي اعانيه يوميا وحاله الاكتئاب من الوضع وتخيل حتى الموظفين السعوديين بالموارد البشريه كانو شبه متعاونين مع الاجانب علي ممكن ماتصدق كلامي بس اعلمك الحكايه
تخيل كل موظف سواء سعودي او اجنبي يمر علي كل يوم والله يسألوني انت مرتاح ولا لا في شغلك واقولهم الحمد لله مرتاح كل يوم على هذا الموال حتى فيه بعض الاجانب اتكالي جدا ولا يسوي شغله الا انا تخيل من كبار الموظفين واعلمه كيف يستخدم برنامج الوورد واكتشفت انه جايبينه مايعرف وين الله حاطه كل شوي والثاني مناديني اسوي الشغل بدل عنه هذا بالنسبه للاجانب بالنسبه للموظفين للسعوديين((كبار الموظفين)) كل واحد شايف ام نفسه على مدري شنو وحتى فيه واحد منهم قالي ليش انت كل يوم تجي ومبتسم لاتبتسم >>> حسد
وخلك رافع ام خشمك على الباقين والا يصب اخطاء عمله علي واسكت واقوله والله يسامحك ويرجع يقولي انت تتبلى علي بغيت اكسب ود السعوديين هذول بس ماأدري وش فيهم وبعض الموظفين اللي توه سالك معهم وااااطين على ام رقبته وطبعا هم فصلوني من الشركة بحجة انني تأخرت بس خمس دقايق ثلاث مرات خلال شهر ونص تقريبا وأنا في فترة التجربه عندهم وقلت في نفسي خيره ولاأنهان في هذي الشركه من الاجانب والسعوديين والله ياإخواني هذا اللي يصير بالشركة اللي كنت اشتغل فيها وإذا بغيتم اعطيكم اسمها ماعندي مانع وهي بمدينة الخبر شركه معروفه مليانه نفاق وكذب وناس مريضه نفسيا وحاسدهواشوفهم كأنهم يقولون في نفوسهم ليش هذا الموظف الجديد((انا)) يسوي اشياء حنا مانقدر نسويها((من تحمل ظغوط العمل والظغوط النفسيه ومبتسم طول النهار حتى اكسر حدة الظغط)) العمل طبعا هم اللي مخليهم يشوفون نفسهم((الموظفين السعوديين))مؤهلاتهم وخبراتهم واللغة الانجليزي توب وشوفة النفس ياساتر يارب
وطبعا كل موظفين الشركه بعظهم يدور على الثاني الغلطه الواحده وياليت اذا لقى على زميله غلطه يستر ماواجه ويساعد زميله في العمل على تصحيحها لا> يفضح فيه بين الموظفين ويشمت وطبعا هذا كله صار علي وتحملت وتجاهلتهم وحتى فيه مصري صديقي على النيه معي ويعلمني وش يسوون الاخوان السعودين والاجانب في القسم ((الموارد البشريه)) ويتكلمون بالطعن في الظهر حتىلدرجه مرة من المرات اسلم عليهم والله مابيردو السلام ويعاملون الناس بالفوقيه يعني انا عندي مؤهل كذا وانت لا

وماعليش على تركيزي على الموظفين السعوديين اكثرمن الاجانب في هذي الشركه بس هذا الواقع اللي حاصل في هذي الشركه وملاحظاتي على السعوديين اكثر من الاجانب اتفق معك انهم حاقدين بس الشركه اللي كنت اشتغل فيها ظلم من الطرفين وكأننا في غابه بدون قانون يحكمها القوي ياكل الضعيف