بسم الله الرحمن الرحيم




السلام عليكم ورحمة الله وبركاته


الحمدلله والصلاة والسلام على رسول الله وعلى آله وصحبه أجمعين


أخواني الأعزاء ... عانيت بالفتره الأخيره من مماطلات بنك الرياض (( تأجير السيارات ))

حيث أنها شركة متعاقده مع بنك الرياض إسمها (( الإستراتيجي ))

وظفتني على وظيفة (( إستشاري مبيعات )) ~ أي مندوب مبيعات

المهم ,,,

قالوا لي بعد توقيعي لمباشرتي لازم تجيب كفيل غارم لك

ولقيت عمي وهو موظف بالبريد السعودي ووظيفة حكومية وقال انه بيكفلني

وعاد تدرون بالموظفين الحكوميين كل واحد يرمي ورقتي لإدارة إلييييين ماوقعوها لي بعد طلوع الروح

المهم خلصت مواضيعي كلها ورحت للبنك وقالوا لازم تطلع بطاقة صراف من بنك الرياض (( لأنهم شركة متعاقده ))


الزبده فتحت حساب



والله يا شباب إن تعبت وحست حوسه طيله أسبووووووع كامل


وكل يوم بالصباح (( أداوم )) أروح الساعه 8 ونص ولاحظت ان الأغلبيه يداوم 9 !!

والمدير على كيف كيفه الشغله يداوم مايداوم على حسب مزاجه

وقاللي المدير اول انت خلص أموك !!

طيب إنت إدارتك ماتعرف تخلص امورها وانا توني جديد !!!!

رحت وخلصت اموري وربي شاهد علي وخليتهم يرسلون اوراقي لإدارتهم بالرياض ولا هم ماودهم يرسلونها


المهم ,,,


صاروا يماطلوني يماطلوني وانا كل يوم احتريهم
ويوم رحت للبنك قللي السكرتير انت روووح الحين بيتكم واي جديد راح اتواصل معاك


قلت هين !

نروح ونريح دامنا تعبنا يا قلبي


وعدى الشهر

إلا بيوم 15 رمضان يتصل فيني المدير ويزفني

انت وانت وانت وانت ... وليش ماتداوم

بررت له بس ملزم يحط المشكله براسي ويقوللي انت مقصر !!

قلت أقول يابوي أنا رجعت لمعهد الإدارة العامة ومابي أشتغل معكم


قللي وحنا منزلين لك راتب طيب



أنا وقعت على مباشرتي 1-8-2010

والحين صار الشهر 30-8-2010

يعني بينزل لي راتب منهم ....


شباب وش الدبره في هالراتب !!!


علماً بانه قال لي تسحب فلوسنا وتردها لنا



وش الدبره علموني يالنشامى



علماً بأني لست بمحتاج عندي وعندكم خير بفضل الله




ودي المعطر لكم