السلام عليكم ورحمة الله وبركاته أنا كنت موظفه سنه وبعد السنه أخذت أجازتي السنويه كما ينصه العقد بيني وبين الشركه طبعا أنا متوظفه بالقطاع الخاص وبعد ما انتهت أجازتي رجعت علي راس العمل ولكن للاسف كل شئ تبدل حتي المشرفين والكادر كامل من الموظفات طبعا أحنا قسمين نساء ورجـــال وأول ما باشرت العمل طبعا المشرف الجديد ما يعرفني لأان أعطي لكل الجدد المهام المطلوبه إلا أنا يوم جيت قالي أنتي راح تكونين بالاداره المركز قلت أن شاء الله وفي نفس اليوم صدر قرار فصلي لاني لا يوجد لي مهام أو مكان بالشغل اتصل فيني المختص علي ذلك قالي وش سبب الفصل إلي صدر ضدك قلتله وربي لا أعلم ولم اكلمه بذلك ولكن دعوت الرحمن بقلب مظلوم قسم بالله ثاني يوم اصدر قرار فصل المشرف لأنه مختلس وبعدها المشرف الجديد وكانت وظيفتي عباره عن خدمه عملاء بالمركز ولكن الله يستر علي خلقه حاول معاي أن أكلمه ولكن ما خليته إلي شغل فقط ولكن تعرف علي زميلتي وكان يلبي لها كل حاجاتها ولا يعطيها الشغل ولا يثقل عليها بالكلام ليش وليش ؟؟ ولكن أنا عكس ذلك ليش ما خلصتي وليش هذا وليش كذا وقلت الحمد لله الشكوي لغير الرحمن مذله وبعد هذا صارت زميلتي تتحرش فيني علشان أغلط فيها علشان ما أتكلم عنها أنها ما تشتغل وربي ما أحب أظلم أحد قلت ابتلاء ولازم أصبر وبعد هذا كله تفاجات بقرار من الأداره تحويلي لقسم الرجال أنصدمت وقلت ليش أنا وش قصرت فيه لتحويلي هناك قالي المشرف علشان تشوفي شغلك كويس قلت حسبي الله ونعم الوكيل ولكن أستخرت وقلت الحمد لله علي كل حال ويوم 1-9-2010 يوم نزل الراتب كان فيه جزاءات أنا بس وزميلني الراتب كامل قلت ليش وش غلطتي انا قالي من بكره تحولي قسم الرجال هذا أمر من الأداره قلتله اسفه وما راح اتحول من ترك شيئا لله عوضه الله خير منه وطلعت من الدوام ولم أرجع ليومي هذا وما أعرف وش اسوي وش الطريقه حيث أنا مسجله عندهم بالتأمينات وما أعرف يارب يسعدكم قولولي وش الطريق علشان أنهي خدماتي معاهم لأني ما أبي أتحول للقسم الرجال وهذا قصتي (( علما إني محتاجه للوظيفه ولكن سبتها لوجه الله )) والسلام عليكم ورحمه الله وبركاته