هلا حبيبتي
أنا لي تجربة مع العمل ومخططة إن شاءالله مستقبلاً إني أفتح مركز لخدمات الطالبة ( عاد إذا صار نشتغل سوا )
شوفي ياحلوة .. الموضوع يعتمد أولاً على المنطقة اللي أنتي فيها .. بعض المناطق ماعندها مشكلة تدفع أي مبلغ في مقابل الراحة وعمل جيد , في المقابل فيه بعضها الآخر لو قلتي لهم مبلغ معين راح يقولون لك نعرف وحدة تسويه أرخص , وفعلاً أتفاجأ كثير بإعلانات في المبوبة وغيرها من الصحف الإعلانية عن تحضير جاهز ومطبوع بـ 10 ريال فقط .. فأنتِ شوفي المنطقة اللي تعملين بها ومستواهم المادي وحددي على هالأساس .
أنا مثلاً أسوي البحث اللي من 10 صفحات ب50 ريال , وغالباً يكون أكثر من 10 لكن صاحبته مثلاً تقولي أبغاه 10 صفحات فأنا مع المعلومات والمقدمة والخاتمة والمراجع والفهرس أوصل ل13 - 15 صفحة .
واللي تطلب مني بحث 15 صفحة ب، 70 ريال , وأغلى بحث مايتجاوز عندي ال100 ريال لأن صفحاته غالباً ماتتجاوز العشرين صفحة .
فيه أساس ثاني مهم لازم تاخذينه بعين الاعتبار وهو شغلك أنتِ في البحث وأتعابك الشخصية , يعني مو معقولة تدفعين مبلغ وقدره عشان تسوين بحث ممتاز وبجودة عالية وتاخذين عليه مبلغ قليل عشان الناس تتعامل معاك .. راح ترتاحين من هالمعضلة لما تكون أدواتك متوفرة معاك يعني جهاز الكمبيوتر والطابعة ولو تصير معهم آلة الحبك خير وبركة بعد , لكن مبدئياً ماأنصحك لأن مبلغها عالي إلا إذا كان عندك أحد مستعد يمولك عشان توفرين كل شي عندك .
أرجع أقولك عن تجربتي .. اللاب توب موجود .. الطابعة موجودة .. الأوراق أشتري الأوراق المزخرفة تجيك المجموعة فيها 100 ورقة ب10 ريال أو 12 ريال .. طبعاً يختلف السعر بحسب الشكل لكنه مايكون مرتفع كثير , والـ 100 ورقة شوفي كم بحث بتسوين فيها وكم 10 بتطلعين منها .. كل اللي أدفعه لكل بحث 5ريال للحبك في المكتبة .. وبالنسبة لحبر الطابعة هم ماراح يكلفك لأنك راح تشترين العبوة وراح تطول معاك كثير إذا كنتِ تستخدمين hp .


الله يوفقك ويرزقك من حيث لاتحتسبين