السلام عليكم ورحمة الله وبركاته مشكورين على الدعوات وكل اللي ردوا اللي سأل كم كانت مدة الجزء الاول سنه ثمان اشهر الجزء الثاني طبعا بعد اتماشتغلنا وربي وفقنا كنت بحاجه اني ازيد العاملات طبعا السعوديات خليتهم لشغل الجامد والفلبين خليتهم لتجهيز الشغل لهم وبرضوه صار الطلب اكثر قلت لازم ازيدهم طبعا انا جربت الاستقدام والخساير فقلت لازم اروح بنفسي واختارهم وفعلا طلعت اندونيسيا في البدايه منها سياحه ومنها اختبرهم واشوف شغلهم طبعا وصلت البلد ماعرف احد رحت السفاره السعوديه وطلبت المكاتب المعتمده عندهم واعطوني قائمه لفيت عليهم وقلت لهم طلبي قالوا ثلاث ايام ونجهز لك مجموعه تجين وتشوفيهم والحمدلله اخترت مجموعه كويسه ورجعت وشهر وجوني وبدينا الشغل بس كانت معاناتي انهم لايتكلمون عربي ولا انقليزي واستعنت بشغالات العيله اللي فاضيه تجي وتفهمهم ايش المطلوب لين صارا يطقطقون عربي طبعا لما كل اللي حولي عرفوا انا وين مسافره واني رحت اجيب عماله صار اللي تسافر شغالته يجي يقول شوفيلنا وحده طبعا وبحكم اني جيت مكاتب اندونيسيا بنفسي واخترت عاملات يفكروني صاحبة مشاريع بالسعوديه وصاروا يعطوني كروتهم ويقولولي حددي طلبك ونرسلك سيرتهم الذاتيه وانتي اختاري مادروا انه مشغل صغير ويخب بعد طبعا انا من مبدأ الفرصه مره قلت يالله نجرب محد خسران طلعت لي امي تقول لااااااااااااااا ولو جبتي لهم وماعجبهم ولا طلعت ... ولا..... انواع التحطيم ولو زعلن ولو مدري ايش وين تحطيهن لين تحجزي لهن ويسافرن قلت عندك يمه قالت اها جلست افكر في المكاتب يوم يورطون فيهم ايش يسوون المهم بعد البحث والتحري قلت اللي يبي شغاله اجيب له بس بشرط اذا ماعجبته بعد فترة التجربة لايوريني وجهه يشوف اقرب مكتب ويبيعها واللي ماتعجبه خلال فتره التجربه اكلم المكتب يرجعها ولين ثلاث يستبدلون له الشغالات والرابعه هو يستبدل نفسه الكل وافق على الشروط وبدينا وكانت البدايه موفقه بقولكم ايش استفدت من سالفة الاستقدام طبعا الفيزا الفين وهناك تدفع الف دولار يعني 3700 ريال تقريبا وغير رخص الاستقدام مدة الاستقدام 25 يوم وتعرفون الحريم مايصبرون ماتهم الفلوس قد مايهمهم الوقت طبعا كل شغلي مكالمات بس لا احول ولا ارسل اوراق تنسيق لا اكثر وكنت اخذ 1000 ريال لي من كل استقدام وكانت تجينا وحده سيرلانكيه بالصالون تشتغل بمستشفى تبيع شغلات من بلدها ودردشنا بالاستقدام وكيف بنات بلدهم وكيف شغلهم قالت اذا تبين لمشغلك هذا رقم اخو زوجي عنده مكتب هناك كلميه وهو يجيب لك اللي تبي طبعا انا خفت بس لما شفت الكرت عرفت انه مكتب مرتب مو حيالله واضفته للي يبي سريلانكيات وكان الاستقدام اقل 3000 الف فقط واشتغلنا الحلقه الجايه راح اقولكم عن الفلبين كيف تعاملت مع المكاتب هناك بالتلفون ونصبوا علي بـ 7000 الاف ريال وكيف استرجعتها منهم غصب عنهم