لاني مقدمه عليهم وبإذن الله يجي الفرج
نقلت لك رد واحد من الأعضاء :
تكلم عن نفسك باللغه الانجليزيه
مساله حسابيه بشكل بسيط وممكن مايهتموا
اذا كنت خدمة عملاء او مبيعات
اذا سالك اذا جاك عميل معصب لا تقول نهائيا اخلي المدير يتفاهم معه قلهم افهم مشكلته واحاول اساعده وماخليه يطلع الا وهو راضي والمشكله محللوله واذا قالولك ماقدرت تحلها عن طريقك قلهم فيه رقم خاص يساعد المشاكل اللي ماتقدر لها الفروع ..
وخلك هادي جدا
ويبي يسالك وش تعرف عن بنك الراجحي هو اكبر بنك اسلامي وله فروع بماليزيا وجميع تعاملاته اسلاميه
وانه المركز لاول لربع الخامس على التوالي في الارباح بين البنوك
تقريبا هذا المهم
وتدريب الراجحي بعد مايعلومنك كل شيء والبرامج منها التاج والريو وبرنامج ستي اف
طبعا التاج حسابات وبطاقات
والريو اخلاء طرف
والستي اف قروض وتمويل
وفيه برنامج سهل اسمه اراكل واس ار ام حق الشكاوي
وكلها باللغه العربيه
بعد ماتتعلم كل البرامج راح يفرون فيك بكل اقسام البنك عشان تاخذ فكر تقعد بكل مكان مدة ساعه او اكثر
وتشوف كيف تعامل الادارات والبنك والعملاء
طبعا اذا سالك انواع العملاء
1/ عميل عصبي
2/ عميل رسمي
3/ عمل ثرثار
وراح يقولك كيف تتعامل معهم
تقريبا المقابله يهتموا فيها باللباقه وكل شيء بمنظرك الشخصي
طبعا قبل لا تطلع يبي يقولك اول سؤال سالتك اياها وش كان ؟
وفيه موضوع للاخت ظل الجزيرة هي قبلولها في البنك
فالله يوفقك