قبل مابدا..ابشرب كاس قرفة...مم قد ايش احب هالمشروب
في حين ان البعض عندي ينفر من ريحته ويصحى من نومه بسبب ريحة القرفة
بس هي مشروبي الصباحي والمفضل..بعد الكركديه
احس انه بيزيدني نشاط وخصوصاً لما اكون سهرانه
أو نايمة نوم ملخبط.....!
ممم الحين حانشط والجو بيساعدني...الصالة بالصباح غير...
أشم الهوا منها..واسمع صوت الحركة والنشاط
والاجمل صوت الحمام ع المكيف..
ولاصوت العصافير الي تجي على حديد الشباك...
أحسه يفقد كثير من جمال يومه الي مايصحى الصباح
ولايعيش جو الصباح...
الصباح لوحدهـ يعتبر حكاية جمال..
الحين..خلوني اعبر..وباسلوب عفوي بعيد عن الفصحى والبلاغة....
=========================================
كانت لحظة...!
عرفت فيها أيش يعني ألم حقيقي!
ونفسها اللحظة...علمتني أيش هي الحياة بكل تفاصيلها..
علمتني معاني كثيرة كنت أجهلها..حسبت الحياة فرح..
سرور...سعادة...حزن لأن أحد غلط بحقي؟!
عتاب لصديقة...!!
كنت أفهم الحياة بمعنى ضيق!
لكن بهذي اللحظة انقلبت عندي كل الموازين كأني
كنت جاهله..أو كان تصرفي غلط؟!
كنت فاهمه كل شي غلط؟!
مممم...كل يوم أجلس مع الوالدة ..
ونتكلم كثير...وأرجع أقولها...أمي ليش الناس تعمل كذا؟!
ليش الناس تفرح لما تسلب الراحة من أحد؟!
أشيآء كثيرة..كثيرة..تعلمتها بلحظة..لحظة..مادري أيش أوصف نفسي بوقتها؟! حماقة مني؟!ولا اتكال؟!ولاغرور كان فيني؟!
طيب ايش يعني الاتكال؟! وأيش تعني الحماقة؟!!!وأيش هو الغرور؟!
جاوبوني لو تعرفو معناها الحقيقي!!!
لاتستغربون من اسئلتي...التفكير لفين بيوديني؟!
فين آخرته معي؟!
مممم...المنامات بتجاوبني؟!!!ولامبهمه زي الي أشوفه؟!
ولا!!
السرير صار رهبة!!!!!
وصرت اهرب من النوم!!
وأهرب من التفكير!
انتهى أملي؟ كثير ماسمي نفسي خالده في أملي؟!
طيب الحين ينطبق علي هذا الاسم!!
دخلت مع الوضع غريبة...وصرت له أليفة..!وبقيت متعايشة معه!
الألم بيقربني لربي..وبيعرفني لربي أكثر...يااااه..قد ايش
رحيم فينا ياربنا..أتمنى الألم ليش ماجاني من زمان؟!
حتى أعرفك أكثر ياربي!
الوالدة..هي الأمل الوحيد..الي بيريحني
لدرجة انها صارت تفهم بدون ماتكلم!
وصرت احاول اتحاشى اني اكلمها عن كل جديد يطرا باليوم
ولا الساعه!!!
ولابالدقيقة!!!
..لكن الأم عمر قلبها
مايكذب....!يأمل إنتِ تعبانة؟!!!
كثير ماتفكر الوالدة...وكثير ماتعبتها بالتفكير..
ألغاز كثيرة صارت بحياتي....ألم..ورهبة....!
ياااه..أشياء كثيرة مزعجة..!!
ماقدر اتخيل اني بقيت اعيش بهالشي..!
يااااه..قلت لها..أمي عمري مآمنت إن نحس الحظ فعلاً موجود!
أمي انا كنت احسبها مجرد كلام يكون طافح من شخص يأسان..ومن شخص فقد أمله....!لكن انا غير!
ليش غير؟!!لأني مافقدت الأمل بشي بسيط!!
أنا خالده بأملي!!كيف افقده بشي بسيط؟!
كنت ألعب بأصابيع يدها قلت لها
.يمه..ادعي لبنتك يايمه!
..أبغى كف ترتفع لي بالدعاء
الله يطمنك ويريح بالك ويبعد كل ألم يأمل!!
تدرون!!
هذي صارت أثمن وأغنى من مال كنت احلم امتلكه!!
ماعاد اهتم بجني المال!!
ياااه..!
ياااه..شينة يادنيا....!!!والسبب..ناس دنئية مابقلبها ذرة دين!
كثير حاولت انسى...!
انسى ألم اشوف اثره بجسمي!!
اتجاهل وجود الألم!!
وهو ظاهر!!
قبل اشهر
قال:
يابنتي اصبري كله يزول بس الصبر والمجاهده!!
واستمري.....!!!
وقتها نزلت دمعة!!حسيتها حرقت قلبي قبل ماتحرق عيني!!
وكانت..الدمعة الثانية....!
بلحظة حماقة كانت الخط الفاصل بحياتي!!
يآآآه..الوالدة..!قالتها بانكسار!!
قلت لكِ يأمل!!
وغرورك أعماك يأمل!
ماسمعتي الكلام!!!
استفدتِ من عندك!!
مرت ايام...انا مستمرة..وكل الي حولي يساعدني..ويشجعني.....!!
بالأخير صابني يأس...!والأمل فيني انتهى..
استمري أمل!
استمري أمل!
استمري أمل!
يااااه مابغى اسمع صوت هالكلمة!
ماصارت تشجعني..صارت ازعاج لي
صارت تحبطني وتقولي
إن الامل بعييييييد!
بعيييد!
بعيييييييد!
وخلودي فيك يالامل مايعني اني ماراح افنى عنك!!
ماراح افنى عنك....!
لاتقولولي استمري!
كيف استمر؟!!!
الامل يستمر؟!
ولاأمل تستمر؟!
ومين فيهم بيخلد بالثاني!
ومين الي صوته بيصدح!
أمل تنتهي!
ولاألم يولد!
ياللهـ...!
عجيبة حيل هالدنيا!
==========
خآطرة..أو بوح...عآبر..من أمل والم عآثر....!
قد لايروق للبعض..لكن..كان يروق تعبيراً بعيداً عن كل المبالغات...
علني وظفت ألمي!
ورجاءً..لاأريد ردود تعآطفية..!لأن لو كان هناك قسم للمدونات
اكتفيت بوضعها فقط!
===========
التحية..
أمل
كُتبت فجر الأحد.