السلام عليكم

اخوي من قريت موضوعك و انا اضحك ،، عارف ليش ... (( لأن هالموقف و الله العظيم صار معي بالضبط )) قبل عيد الاضحى

الموقف اللي حصل .. قابلني شخص يقول ان هندي الجنسية و مسوي انه يبي يخدمني لاني كنت طيب معه في الموقف اللي صار بيني و بينه في احد مواقف السيارات لاني خليته يوقف في الموقف اللي كنت بوقف فيه

و عطاني كرته و اخذ رقمي و اتصل علي و عرفني بشخص سوداني الجنسية
و كان الشخص السوداني حاب يقابلني و انا كنت شاك بالوضع و قلت خل اشوف اخرتها
و قابلت السوداني في فندق قصر الرياض اللي بحي الوزارات و كان هو و الهندي يحاولون اقناعي بشكل كبير
و كان كلامهم مشابه لما تفضلت فيه اخوي بالحرف الواحد حتى لدرجة انها متوافق معها اسلامياً

حتى اني قلت له انا ما اضمن اجيب عملاء قال ماعليك حنا نساعدك في البداية قلت طيب ابكلم معارفي عنها يمكن يقتنعون
زعل و تنرفز و قال لا لا لا ... سياستنا انك ما تقووول لاحد الا بعد ما تنظم معنا هههههههههههههههههههههههه ايه هين


المهم اني كرشتهم و زبدتنها بوجيهم و طلعت من الفندق

لكن ما اقول غير الله يكفينا شر هالاشكال اللي يحاولون يستغلون حاجة الشباب للوظائف