أخي اريد حلا ..

أنت أرسلت لي رسالة خاصة تسأل عن كيف حصلت على شهادتين سكرتارية وحاسب وحاولت أرسل لك رسالة خاصة بس ماقدرت لأنك ماتستقبل رسايل ومقفل الخدمه من عندك


هلا بالحبيب كيف الحال أن شاء الله بخير
أولاً مساك الله بالخير والسرور

ثانيا : أمر الله من مسعه وأنا أخوك ..

أنا درس في المعهد المهني الصناعي .. بتخصص ( تطبيقات الحاسب الآلي والسكرتارية) تخصص يضم التخصصين سوا يعني أثنين في واحد وماتحصله إلآ في المعهد المهني ..مدتها (سنة دراسية كاملة مع المدارس ).. وماقدمت بالثانوية قدمت بالكفاءة وقبلوني لأني ماعندي ثانوية لعبت عليهم .. يعني أذا صرت بتقدم قدم بالكفاءة .. وكنت أدرس حاسب 12 حصة جميع برامج الأوفس وإيضاً سلوك مهني 5 حصص و8 حصص سكرتارية موزعة على الأسبوع من الساعة 7 إلى 1 دوام مدارس وأنت عارف المعهد المهني وطريقته .. وأحلى مافيه أن في مكافأة 1000 ريال يعني انبسط ياعم راتب وشهادة في آخر العام..بس قدم بالشهادة المتوسطة..أللحين روح إلى أقرب معهد مهني وشوف التخصصات اللي فيه ممكن تحصل أحسن من التطبيقات مثل شبكات ولا الدعم الفني لأن صار في المعهد تخصصات حلوة .. وأكيد بيفتحون التسجيل في الفصل الدراسي الثاني يعني أللحق عمرك وروح أسأل عندهم وراح يقولون لك وش التخصصات اللي بتنزل في الفصل الدراسي الثاني وسجل في تخصص حلو ..والله المعهد المهني فله ووناسه ممكن ممل عشان الدراسة مو محاضرات أنها حصص بس عادي والله كنت دايم أجرد بيوم الأربعاء وما أداوم .. ومشت الأمور وأخذت الأول بنسبة ( 4.85 من 5) يعني ممتاز "متقن بتميز" ولله الحمد ..
هذا اللي عندي وأذا في نقص شيء أبشر وأنا أخوك بس ماعليك أرسل وكان الله في عون المسلم مادام في عون أخيه

دعواتك لنا بالتوفيق..