اقتباس:
المشاركة الأصلية كتبت بواسطة حنش الدجاج
اللي يسال عن التحضير يوم الثلاثاء 28 / 2
هاليوم يا اخوان لاتحضرون معاكم الشناط لان بيفكونكم بنفس اليوم ويطلبونكم تحضرون يوم السبت ، طبعاً هاليوم يقسمونكم سرايا ويعطونكم البدال العسكرية وورقة فيها الطلبات اللي تحضرونها معاكم لذلك انا اشوف انكم ماتشترون شيء من بدري ووتوهقون خلوها لين تحضرون يوم الثلاثاء وتاخذون الطلبات الاكيده من قيادة سريتكم ، يوزعون عليكم ايضا البساطير اعزكم الله ويطلبونكم التأكد من مقاسات البساطير على ارجلكم عند احد المحلات العسكرية عشان اذا حضرتم يوم السبت والبسطار اللي عطوك ماطلع بمقاس رجلك تطلبهم يبدلونه لك بالمقاس اللي انت تبيه من التموين ..
يعني خراط فاضي يوم السبت تحضرون معكم الاغراض لاتخلون شيء ناقص ماتجيبونه معكم بطاطس ليز بساكيت عصيرات كرسونات بالكمية اللي تبي ، بس لاتصير كريم وتوزع على اخوياك لانك بتلقى اغراضك خلصت من اول يوم هههههه ، لان الدعوة فيها حجز 3 اسابيع مسموح تجيب معك اللي تبي ماحد يقلك شيء عادي ، وبالنسبة للحجز 3 اسابيع اكيد مليونين في المية لاتسمعون لكلامهم يقولون لكم اذا ماشديتو حيلكم نزيدكم اسبوع بعد ومدري وشو ويهددونكم ، الحجز 3 اسابيع مايتعداها ، في ناس انحجزو اسبوعين وطلعوا ، واذا عديتو فترة الحجز خلاص تصير الامور سهالات
عموماً انا واثق مليونين في المية اني قد ذكرت هالكلام في الموضوع السابق لكن في بعض الاخوان مايبي يقرا يبي يسأل والناس تجاوبه ، والحين اجاوب على نفس السؤال للمرة المليون لكي تطمئن بعض الانفس
واللي شايل هم الكشف الطبي ترى الوضع من جنبها مايدرون وين ربي حاطهم قسم بالله معنا ناس معاقين مدري كيف انقبلوا وفي ناس اقزام واوزانهم فوق المية
يعني روقوا وخل عنكم الوسوسة ، وبدال ماتجلس تقلق نفسك وتقلق خلق الله معك بكثرة الاسئلة المكررة شف لك واسطة في الكشف الطبي يزبط لك الامور، يعني لو لاسمح الله في اسوء الحالات حصل شيء يمشون لك الامور
وتحياتي لكم واتمنى اني افدتكم
على فكرة / اتمنى من الاخوان اللي يبون يسألون اي سؤال يمرون على نفس الموضوع الجزء الاول ويبحثون بالموضوع عن اللي يبونه في محرك بحث خاص بالمواضيع اذا فتحت الموضوع اضغط على بحث وابحث عن السؤال اللي تبيه وبيطلع لك السؤال واجابته ، وان لم تجد لسؤالك اجابه تعال واسأل هنا ، لكن كثرة الاسئلة وتكرارها مالها داعي يا اخوان
تحياتي لكم واسمحوني على القصور  |
حي الله حنش الدجاج والله انك ذيب ياولد ليت كل النااس مثلك تحب الخير من يوم يومك ( اخس تعرفه ) هههه
على العموم الله يفك قيدكم يارجال والتعب منسي
انا مسوي كشف الاحد الماضي وبسراحه وسوسوبنا تصدق ودي تمر 20 يوم هواء عشان ارتاح من التعب النفسي . ههه من جد اتكلم
بالنسبه للواسطه اتوقع ما تفع لانهم متشددين بالمره وربك كريم