معلمة مدرسه خاصه
كنت متأكده إن كلامي راح يضايقك بس صدقيني
إنتي الوحيده إلي قادره تحلين مشكلتك
خلك من كلامي وإلي فسر جزء منه أخوي محاسب
وإسمعيني > > > > > يعني أقري كويز
أنا موظفه بقطاع خاص وأكرف12ساعه باليوم ليل ونهار
وعندي 10أخوان والوالد .........الله يحفظهم لي ذخر وسند إن شاء الله
بس كل واحد من الشباب ملتهي إلي بزوجته وإلي بدراسته وإلي بنفسه.....
والوالد قالي كلام دائما أذكره وما أنساه.........
قالي إنتي بالرياض والرياض من أكبر مدن المملكه كل حي وكل شارع فيه حكايه ....
صعب أخوانك يمشون وراك وإلا كان عطلو مصالحهم وبعد صعبه أجيب سواق للبيت والبيت فيه 10 شباب وش راح يقولون الناس .....إذا ناويه تتوظفين فإنتي مسئوله عن نفسك وإن صار أي غلط أول من يحاكمك هو أنا أبوك .......إذا إنتي قد المسئوليه وقادره تحافظين على نفسم أطلعي ولاتتوقعين كل الناس طيبه مثل ماتتصورين أو مثل أمك وأخوانك وحافظي على نفسك......
تعرفين وش معنا هالكلام؟ ..................معناه
أدبر لي سواق يوديني ويجيبني صباح ومساء < < < ولاحظي السواق من الشارع موتابع لشركه علشان أوفر فلوس
أدفع أجرت السواق من راتبي ال2000
إذا كنت رايحه وجايه مع هالسواق لازم أكون مفتحه وصاحيه وقليلة الكلام وثقيله بمعنى الكلمه علشان أفرض أحترامه لي
أغير السواق من فتره للثانيه علشان مايكون هناك ميانه من قبل السواق لأني بطبعي أحب أقدم للسواق إلي يجيبني ويوديني أي شي تجود به يدي وعلى قدي وهذا يخلي السواق يزيد إحترامه لي
ماأعود السواق على السوالف وأقلل قدر الإمكان مكالماتي بالجوال بالسياره..
أنا أختار الطريق إلي يروح فيه لأني حفظت الرياض من كثر مابققة بالخريطه...
دائما أروح مقابلات شخصيه علشان أقوي شخصيتي وعلشان مأخاف من المقبلات الشخصيه حتى لو كنت مبي الوظيفه..... وهنا أنا أدله ومسمح له يدخل طريق ما أعرفه ...
وإنتي بالطريق كثيير مواقف تصير لك لأنك مع سواق وللأسف صارت لي مواقف لكن أفضل سلاح الصمت قدر الإمكان ولاتراددين أحد........وعند المواقف الكبيره تصرفي التصرف السليم وبالوقت المناسب ..وخلي رقم الوالده أول رقم صادر عندك علشان لو حصل شي بسرعه تتصلين فيها وتحددين مكانك...
يمكن مارتبت كلامي بس أكييد فهمتي قصدي ...
وإن كنت قاسيه لأني ما أرضى أشوف بنت تستفزع بأحد وهي فاقده الثقه بنفسها عززي ثقتك بنفسك ..
وعموما إن كان إلي تبينه بالمنتدى إنا نطبطب عليك بالحكي بس ........فإنتي ماأستفدتي شي
حبيبتي إنتي صاحبت البيت ولاتقولين راح أتزوج أي أحد علشان هالمهمه إلي منتي قادره تتحملينها يمكن الزوج يكون نقمه مو نعمه ....خلي النصيب على رب العباد ....
وعلى قولت أخوي محاسب الشيوخ فعلا مايقصروون بس هذا إذا إنتي مقتنعه بأنه الستر على نفسك هو الحل المناسب ...كل إلي ذكرناه حلول وإقتراحات إنتي إلي تختارين وتحلين وتربطين
الله يسعدك من قلبي حبيبتي