لا وهني الذيب ما ازين نصيبه *** يجر صوته في علاوي المـــــــــراقيب
مقياله القيف العلا في ركيبه *** قيفٍ مكافٍ عن سموم المـــــــــــلاهيب
ومقسم الارزاق رزقه يجيبه *** لا سر حوه ولا يدور مـــــــــــــــــعازيب
وليا سمعت الذيب يجعز قنيبه *** كنه يناديني وانا ديه ويجيـــــــــــــــــــب
ياليت مندوبي يروح ويجيبه *** والله لكثر من الهلا والتراحيــــــــــــــــب
واقدم الكبش السمين بعصيبه *** واني لحييك على الكبش يا ذيــــــــــب
واخاشرك يا ذيب باللي تجيبه *** واقوم لك وتقوم لي في المواجيـــــــب
ولا هو كثير من صحيب لصحيبه *** واللي يجيب الطيب يا ذيب ما يخيب
هذه القصيده ارسلها لي صديقي وقائل القصيده
جده :عتيق الشلاحي المطيري