اقتباس:
المشاركة الأصلية كتبت بواسطة ورقة فواكه
بعطيكم العلم الاكيد
السنة اللي فاتت 1431هـ في شهر 6 ارسلت برقيه للديوان الملكي اطلب ارض عن طريق البرقيات 969 وبعد اعطوني رقم البرقيه بعد يومين اتصلت على الديوان الملكي قالوا لي تحت الاجراء صرت ادق نهاية كل اسبوع على الديوان وأتاكد كل مره يقول تحت الاجراتقريبا جلست 5 اسابيع واخر مرة اتصلت فيها قالوا لي انها راحت لوزارة الشؤون البلدية والقروية واعطوني رقم المعاملة ثم سكرت واتصلت على وزارة الشؤون البلدية والقروية واعطيتهم الرقم قالوا لي تحولت الى الامانه واعطوني رقم المعاملة بعدين اتصلت على الامانه قالوا لي بعد يومين اتصلي تكون وصلت وفعلا دقيت بعد يومين قالوا انها وصلت ثم اعطوني رقم المعاملة وقالوا راجعي البلدية ثم اتصلت على البلدية قالوا ماوصلت اتصلي بعد كم يوم ثم اتصلت بعد كم يوم قالوا لي راحت المعاملة الى ادارة المنح والاراضي بالبطحاء وقالوا خلاص اعطينا رقمك وهم راح يتصلوا بعد يومين دق علي واحد من ادارة المنح والاراضي وقالي جيبي صك اثبات حالة طلاق من المحكمة وسألته يعني صك الطلاق قال لا صك يثبت انك الى الان مطلقه تاخذين اربع شهود وتروحين المحكمة الكبرى وقالي كلما تأخرتي تاخر رقمك وتحفظ المعاملة حتى تجيبي الصك..........طبعا انا الى يومكم ماسويت شي لاني ما لقيت اربع شهود وربي ايعين وطبعا التقديم للمطلقات والارامل وذوي الاحتياجات الخاصة وهذا الكلام من موظف البرقيات وتأكدت من الديوان الملكي وطلع الكلام صحيح وقد صار قدمت لخالي لان حالته ضعيفه ولما اتصلت على الديوان قالي مرفوضة فقط المطلقات والارامل والاحتياجات الخاصة
بعد التقديم الاول قريت ان الملك عبد الله اوقف منح الاراضي لانه مااحد استفاد منها لانها بدون خدمات واي احد يطلب ارض تتحول الى منحة سكن في شهر 8 قمت ارسلت برقيه للديوان الملكي اطلب سكن عن طريق البرقيات 969 وبعد اعطوني رقم البرقيه بعد يومين اتصلت على الديوان الملكي قالوا لي تحت الاجراء صرت ادق نهاية كل اسبوع على الديوان وأتاكد كل مره يقول تحت الاجراء اخر مرة اتصلت فيها قالي المعاملة راحت وزارة الشؤون البلدية والقروية واعطاني رقمها لما تصلت وزارة البلديةوالقروية قالوا تحولت الى ( نسيت المكان ) المهم اني اتصلت على هذا المكان واعطوني رقم المعاملة وقالوا راحت الى هيئة الاسكان وفعلا لما اتصلت على هيئة الاسكان اعطيتهم السجل المدني ثم سألني هل انا طالبة بيت ضروري لانه في اسكان للناس المضطره قلت له لا انا مو مضطره يعني محتاجه ضروري الان لاني ساكنه مع اهلي قالي خلاص خذي رقم المعاملة واحتفظي فيه واذا غيرتي رقمك لازم تتصلي علينا والاسكان حقت الرياض خلال سنتين بالكثير تكون خلصت وتستلمين سألته يعني انا في السرى قالي مافيه شي اسمه سرى دام جاء امر ملكي خلاص يعني انتي بيتك جاهز مجرد ماتخلص الوحدات السكنية تستلمين حقتك ....وسألته اذا فيه احد بيقدم على هذه الاسكان هل فيه شروط معينه قالي : لا وسألته هل يكون التقديم لهذه الاسكان عن طريقكم قالي :لا لازم عن طريق الديوان الملكي لانها منح ......لانه الان تنشأ حي كامل نموذي يشمل المساكن ومدارس وحده صحيه ومساجد لكن كله سنتين راح تكون جاهزة لانها تبنى على مراحل
على فكرة اللي عنده بيت ملك لا يطمع لانهم راح يعرفون عن طريق الاحصاء وهذا الكلام صحيح لاني قريته في جريدة الرياض قبل اسبوعين
|
أختي ورقة فواكه أسأل الله تعالى أن ينفعك ويجعلك مباركة أينما كنتي
بحق أفدتي الجميع من خلال تجربتك غاليتي
وأنا صار معي نفس ماصار معك تماااااماً إلا أني تعجبت من أن معاملتك لما وصلت لإدارة المنح والأراضي طلبو منك أثبات وشهود في المحكمة الكبرى انك لاتزالين مطلقة 
لأني أنا لما وصلت معاملتي لإدارة المنح والأراضي واتصلت عليهم بالهاتف قالو لي انتي بس خلي أخوك أو أي أحد من محارمك يكفيك ويجي يراجعنا ومعه صك الطلاق وبطاقة الأحوال حقتك وحقته
ويصير خير ان شاء الله
المهم أعطو أخوي لما راح لهم ورقة صغيرة مدون فيها رقم المعاملة ورقم الصادر ومادري أيش وقالو نتصل فيها لما يصير شي والى يومكم ياجماعة ما أحد أتصل علي وهالكلام وربي قبل خمسة أو سته شهور 
أخاف بس أنهم يكونو أطلبو من أخوي أني أحضر أربع شهود على قولتك أختي وأروح على المحكمة وهو نسى يقولي هالشي أو أنه حب يوفر علي وعلى عمره عنا المحاكم 