يا اخوي اولا خل ثقة بالله ثم بنفسك
لا تقول بنفسك انك خايف ترا التفكير بالخوف يصنع الخوف و التوتر و الفشل
خلك هادي وواثق
اهم شي احضر قبل الوقت بربع ساعة
خليك هادي ومروق .. جاوب ع اسئلتهم بكل هدوء
مارح يسألونك عن اسئلة رياضية او منهجيه ابداااا ... حتى الانجليش مارح يتعمقون فيه ممكن بس تعريف بسيط عن نفسك
توقع منهم اي شي و كل شي
ممكن يسألونك كم تتوقع راتبك
ايش موقفك مع عميل يسب ويشتم >> يعني ممكن يمرون ع كذا شخصية
ممكن يسألونك لو طلبنا منك ايام عمل اضافية توافق او لا >> بس حتى يعرفوا مدى عطاءك و حبك للعمل
ممكن يسألونك عن قدرتك لو طلب منك السفر لفرع ثاني لمدة معينه
طبعا انتبه في كل اجاباتك للغات الجسد عندك
خلك واثق وعينك بأعينهم
ماراح تختلف كثير عن المقابلات الي عملتها
و انتبه لحركات الاستفزاز و اساليبه كثير يسوونها البنووك حتى يتأكدوا من انك قادر تتعامل مع جميع شرايح المجتمع
يعني يحاولوا يتجاهلونك يحرجونك ينرفزونك ببعض الاشياء
خلك وواثق بالله ثم بنفسك
صدقني اخوي انت قادر تحصل عليها و بكل سهوله ... و لا تنسى الاستغفار خاصه طول الطريق و انت رايح لانه يساعد ع الهدوء و طمأنينة النفس
ربي يفتحها عليك ويرزقك .. ويارب تبشرنا بقبولك