بسم الله الرحمن الرحيم
السلام عليكم ورحمة الله وبركاته

اما بعد ........

انا يااخوان ويااخوات كنت موظف بأحدى الشركات التابعه لطيران ارامكوا وكنت ولله الحمد مهتم بعملي ومظهري دائمأ وكنت احضر للدوام قبل الكل وقبل الرئيس ولكن حدثت لي مشكله الله يسامح من كان السبب ماادري هل هو كان متقصدها او لا انا اشتغلت في ساحة الطيران واشتغلت بعفش الركاب واشتغلت مأمور حجوزات لهم ولكن المشكله اللي صارت لي ان واحد من اخوياي كان يبي يتصل مدري على مين وقلت له سم المهم انا نسيت الجوال عنده وبعدها اشوف كابتن الطياره يهاوش ويصارخ المهم صارت عفسه وفي النهايه شنو قال يقول والله مو انا هذا مو جوالي هذا جوال فلان اللي هو انا المهم بعد التحقيقات ومدري شنو قرروا فصلي قلت لهم ليه انا ماسويت شي هو اللي مصور يقولون عارفين بس الشي هذا صار بجوالك انت يعني انت اللي محرضه وبعدها انا من نفسي قدمت استقالتي اللي كانت خدمتي فيها اربع سنوات اللي كنت معيش اهلي فيها حسبي الله ونعم الوكيل اما حاليأ قدمت بكل مكان بالخطوط السعوديه بما اني انا عندي دورات السيفيتي ودوره الوزن والتوازن للطيارات والى حد الحين ماجاني اي شي لي تقريبأ 5 او 6 شهووور وانا عاطل تدور ببالي مليون فكره وفكره اذا جيت بنام شلون وكيف وليه
ولا احد من اقاربي ساعدني مع اني انا عندي اقارب واصلين بمعنى الكلمه بس للاسف مامنهم فايده غير الطنازه والضحك على خلق الله عشان كذا صرت انطاوئي ماصرت اطلع كثير من البيت احس الكل ينظر لي نظره غريبه

انا حبيت اقول اللي بخاطري واتمنى اي مسؤل او احد يعرف مسؤل يوظفني لان حياتي صارت لا توطاق

واسف عالاطاله ولكم كل الشكر والتقدير والاحترام