ان شاء الله ينفذ بس سؤال انا ساكنة بنفس الدور اللي عشت فيه مع طليقي منذ 10 سنوات يوم تطلقت ترك لي البيت بما حمل من عفش وايجار وفواتير وراح سكن هو وزوجته مع اهله بلاش البيت تعبت على ما اثثته قطعه قطعه من فلوسه طبعا لان راتبه عالي وبيتي يعتبر راقي نوعا ما هل يتم قبولي او لا؟
انا قدمت على الجمعية الخيرية اطالب فقط بوظيفة مابي مساعدة غذائية ولا باثاث انا لتوظفت الله الغني عن مساعدتهم ماكل فلوس الزكاة بالحرام وتمت زيارتهم لبيتي ويوم شافوه رفضو طلبي وش ذنبي ان بيتي زين من جد تخيل برقبتي 5 اطفال بالثانوي والمتوسط والابتدائي وعايشه على 1500 من الوالده 800 الضمان ولا الحق مقتصدة لابعد الحدود ابوهم يبيني ارجع له وانا رافضه وحرمانه لعيالي من الانفاق كنوع من الظغط علي ليه محد يراعي لمن مثل هذه الظروف مو كل من عاش بيت حلو بطران
الصراحه تنقال ما ادري مفأجاته في الظغط علي كيف راح تكون هذي 3 سنه من انفصالي عنه وجالس يحاول بشتى الطرق ارجع له فما استبعد لو قال ابي اثاث بيتي والصراحه انا مالي حق باي شي بالبيت لو طالب طليقي باثاثه ما اقدر اقوله لا لانه كله من فلوسه ما دفعت من جيبي شي وعيب اني اذل نفسي بمحاكم ومشاكل وشرطه على اثاث عزة نفسي تمنعني.... اسكن على البلاط ولا اهين نفسي ...الصراحه شلت على الباحثه من الجمعية لاتي خبرتها بوضعي لكن الله المستعان همها الشكل الخارجي للمنزل في البحث ماهمها امر المتقدمة نفسها وظروفها صعبه اني اذل نفسي عشان يقبلوني الله يعين بالتوفيق