اقتباس:
المشاركة الأصلية كتبت بواسطة نوف العتيبي
والله مو مقعدكم ببيوت أهاليكم بعطاله وبطاله غير هالعقليات التعبانه.......
مؤمنين إن الشغل مو عيب ويبون غيرهم يبدء يعني إلى متى وإنتم تقلدون الغير
جامعيين مثقفين لكن للأسف ........
السواق إلي يوصلني مبرمج ومحترف ومع هذا ماشاف شغلت سواق عيب ......رغم إنه مسلم وله 10سنين بالسعوديه .....
دكتور جامعي أكاديميي بلبنان في فترة الصيف يشتغل على ليموزينات ماقال هذي شغله محرجه ..ومركزي الإجتماعي مايقبلها والله الواثق بنفسه مايهمه الناس وياليت تتذكرون مهن كل الرسل والصحابه ......
وش تقول لصاحباتها يحووول ماذبحكم غير القيل والقال يامدرس .....نحن عرب الحكي مهنتنا المفضله فلان راح فلان مات فلان تزوج فلان .......إلخ
عموما علقو زي ماتبون .........
نحن مجتمع إمعه لا إضافه حقيقيه ولا تواجد مميز سوى بالتقليد إلى آخر مدى...
أتمنى عدم تسجيل هذه العباره مره أخرى لأنها غير مرغوبه .....
سعيده بتواجدكم....... |
انا اتفق معك لكن كل انسان تعب ودرس وسهر وصرف يعمل في مجاله ومايحقق طموحه او على الاقل يفتح له مشروع صغير ويتعب فيه بدل مايشتغل خباز هل هذا طموح شبابنا هل وصل الاحباط واليأس من ان يجدوا الوظيفه المناسبه لشهاداتهم وطموحاتهم ان يتجهوا لمهنة خباز وحلاق بس انتي تقولي سواقك مبرمج محترف واللبناني الدكتور يسوق ليموزين اتفق معك بس مهنة سواق في بلدنا افضل من مبرمج قد الدنيا عندهم هذا (ماديا) والماده هي الهدف في هذا الوقت بالذات اللي كل شي يتضخم من حولنا والقادم اخطر طيب اش رايك عندنا بالسعوديه غيييييييييييييييير سباك فلسطيني مدير شئون موظفين لا وحاط مدير لمكتبه بعد وعامل تفريغ وشحن مدير مشروع وكل هذا بشركه محترمه وكبيره ومعلم فطاير مستشار مبيعات ووالله اني صادق ومطلع بنفسي واقل راتب فيهم 6000 ريال ... ريال ينطح ريال غير البونص والمكافأة والسعودي يجي حامل دبلوم ومبرمج ومحترف ويقولووووون له والله بس ينقصك خبره ....
شكرا نوف موضوع يحتاج للكثير ولكن من خلاله اوجه رساله لكل سعودي تعب وحصل على شهاده ابحث عن العمل الذي تراه مناسب لك وافتح لنفسك مساحات الابداع واذا اجتمع فيك مخافة الله ثم رضا والديك والطموح والانضباطيه والبحث والاجتهاد عن العمل المناسب لك س اجدك يوما من الايام (خباز) قصدي موظف مبدع وس تصل الى ماهو اعلا من ذلك وشاهد اقوى الشركات والبنوك قامت على ايدي كوادر سعوديه ولنا في الاتصالات السعوديه وارامكو وسابك خير مثال ...
مره اخرى شكرا نوف لهذا الموضوع الذي يحتاج الى مساحات من الكتابه وربي يوفق الجميع ان شاء الله ....