السلام عليكم
أخواني انا شاب أملك الشهادة المتوسطة الجامعية مع شهادة ICDL مع شهادة تدريب خدمة عملاء مع شهادة إنجليزي ولي 3 سنين وانا أبحث عن عمل
أنا أولا من مدينة من خارج الرياض ولا أملك سيارة وحالتي صعبة جدا كوني من أم مطلقة
والله قدمت تقريبا على أغلب الشركات وتصلو بي شركات الرياض وطلبو من وظيفة مندوب ولازم يكون معك سيارة
المشكلة أنا لا أملك سيارة ولا أصلا أعرف طرق الرياض ولا شوارعها
والشركة تشترط سيارة خاصة فيني يعني مو هم اللي يعطوني
المهم وغيرها
اتصل علي الراجحي وسويت كل شي والله الحمدالله تمام في تمام
المهم وصلت الى مسمى الوظيفة وكانو متفقين على أن أصبح ظابط تسويق وانا قلت لهم
طيب انا لاأملك سيارة ولا أعرف الفروع بالتحديد قلت ياليت تحولوني الى خدمة العملاء أو صرافة
ولكنهم لم يردو علي بل طنشوني وهذا الكلام قبل سنتين
يعني مصرف الراجحي البليونير
عاجز عن توفير سيارة لموظفيه !!!!!
وأخر شي قبل أسبوع شركة أكسيوم تيلكوم أتصل عليا العصر وانا شبه نائم
المهم انا لست في وعيي واتصل عليهم لا يردون وأحيانا مشغول لماذا هذا التطنيش والله أتصل حوالي يومين
ولا أحد يرد ولا حتى الإستقبال
ياليت أخواني تساعدوني الله يرحم والديكم
المشكلة أن فيه ناس يتوظفون بواسطة عيني عينك مثل فيه واحد أعرفه متوظف في بنك البلاد
عن طريق واسطة في بنك البلاد ويوم انا رحت لهم قالو التوظيف عن طريق النت وهم حاطينه كذا عشان يصرفونا
وكلمت إدارة بنك البلاد التوظيف وقلت ياخي أبي أتوظف مثل ماتوظف فلان قال عن طريق النت قلت انا لا يابابا
هذا عن طريق واسطة من عندكم قال مستحيل قلت والله أنك ماتدري عني شي وسكرتها
وصار هذا الموقف أيضا في شركة الإتصالات الجوال كنت مقدم على وظيفةخدمةالعملاء وقالي رح للرياض
ياليت أحد يتوسط لي
جزاكم الله ألف خير