أنا من كثر ما ودّي أبوحك بالقصيد اعجاب
تزاحم بي الكلام بحزّة الهامي ولعثمني..
بغيت آضممّك بقوّه وأهمس لك كفايه غياب
عسى الضمه تجي أبلغ من ابياتي وتفهمني..
تلاعب بي الوله في غيبتك وارتجفت الأعصاب
على طاريك أتبعثر ولا ادري كيف الملمني..
سنين تعوّدت معك المشاعر ترْوَح الأطياب
شربتك وافتخرت اني انتشيتك عند لايمني..
نحن رغماً على بعد المسافه بالقلوب قراب
مثل مايلازم الصبح الضيا ذكرك يلازمني..
حضرت وكنّي الطفل وحضورك أجمل الألعاب
دموع أفراح حلّت في محل دموع تألمني..
أبتغطى/ بعد ذروة شتا في غيبة الأهداب
وبسترخي على عيونك بربّك لا تقوّمني..
وكلّمني الكلام الي خذا من ثغرك الجذاب
تعيّشني برفاهية حياتي من تكلّمني..
أنا المحروم من وصل الهنا والأنس والأصحاب
بإنسانيّتك مابي من مواصلْك تحرمني..
لو انك ذنب خذني مذنب ٍ يرتكْبك وما تاب
تملَّكني جنون ٍ في يديك ولا تسلّمني
.
الشاعر:محمد الـ زبـ يـدي