السلام عليكم ورحمة الله وبركاته ، انا عضو جديد في هذا الموقع حبيت ان اضع اقتراحاتي وتجاربي في هذا المجال (البطالة) والتي دامت معي 3سنوات ومن ثم اكرمني الله بأن اخذت شهادة الدبلوم ومن ثم توظفت في كذا وظيفة حتى استقريت في القطاع الحكومي على المرتبة السادسة عشان كذا سميت نفسي كان عاطل (شهادة حق القطاع الحكومي من جربه ومن لم يجربه راحة نفسية واستقرار وظيفي وأمان وظيفي تقدر من خلاله بما انك توك شباب وودك تفله انك تطلع سيارة جديدة باقساط وانت مرتاح+تجمع مهر للزواج+إن الله عطاك عمر تأخذ بيت) ، تمنياتي للجميع في هذا الموقع بالتوفيق في البحث عن الوظيفة المناسبة ، انا عارف ان كثير منكم لقى وظايف لكن هو يريد ان يستقر على وظيفة واحدة للأبد وانا معاكم راتب 1500او 2000ريال وش توكل هذي الايام مع الغلاء الفاحش حتى مع الزيادة 5% لاحظت الاسعار ارتفعت من اول يوم مع ان هناك ناس مااستفدت منها إلا 75ريال اقصد من كان راتبه 1500ريال فهاذي 5% بالنسبة له ، هذا مالدي وان شاء الله استفيد وافيد من هذا الموقع والصرح الرائع وإلى الأمام وان شاء الله نحتفل جميعاً بتوظيف آخر عاطل في المملكة وقبلها آخر عاطل في هذا الموقع بإذن الله تعالى وتقبلوا تحياتي وآسف على الإطالة .