من عادتي لا عكّر الوقت جـوّي
أخفي دموعي عن نظر كل غالي
ما ابدي تناهيدي ولو شبّ ضوّي
وأدفن همومي بين فكري وبالـي
وش عاد لو بركان حزني يدوّي
وإلاّ يهـد بداخلـي كـل عالـي
الله بلاني ب(العقل)و ش أسوّي؟
دربي يميل ولا يميـل اعتدالـي
حيّرت في ممشاي حيلة عـدوّي
لين اقتنع في طيبتي وانثنا لـي
هذا وانا في سكّة الحـب تـوّي
بأوّل خطاوى رحلتي وارتحالـي
من عافته عيني ..هفا من علوّي
ومن حبّته نفسي ..سكن بالعلالي