ماذا قال لي مدير الموارد البشريه
لما خرجت من عند مدير تقنية المعلومات رحت للموظف الي اعطاني الظرف وقلت له على الي صار قال هاذي عوايده شايف نفسه على الفاضي وقال تعال بكره ونشوف لمدير الموارد (ابو علي)رحت ورجعت اليوم الثاني واشوف الي عندهم طبعا الساعه 9 وانا عندهم رحت للموظف ورحت انا وياه لابو علي مدير الموارد وعطيته العلم وجه له بعض الوم والامتعاض وقال ما نقدر نسوي معه شي لانه واصل بالشركة وعلاقته بالمدير العام لانه من اقرابه وقال ما لنا الا حل واحد عشان تتوظف عندنا قلت وشهو قال تتخلي عن شهادتك وتتوظف بالثانويه العامه عندنا معقب معاملات ومراجعة الجوازات براتب 1700 ريال وبعد مده تترسم انا ولعت من كلامه وقمت قلت له انت ماقصرت اما اتخلى عن شهادتي لا والله بعد سنين من الدراسه تبيني اتخلى عنها عموما والله حرام انكم سعوديين ما كثروا العاطلين الا منكم وانتو السبب في الاول والاخير وطلعت من عنده وهي مقفله معي لانها ثالث شركه اروح لها وما فيه امل.
شوفوا القهر لكن حسبي الله عليهم