المشاركة الأصلية كتبت بواسطة احب الفقراء

واسطــه....؟!

الواسطه سرااااااااااااااااااب

قدمت بالمباحث
وكان عندي واسطه
نقيب بالقبول والتسجيل
وأثنين رقباء وواحد وكيل رقيب
ولكن
حالفني القبول المبدئي
اللي أساسً القبول فيه يعتمد على برمجة الفرز
يعني قبلت بدون فضل أحد عليه غير ربي

بس وينهم هالأربعه ولا واحد منهم فادني بشيء
حتى أوراق المستشفى ماأستلمتها وأقول والله ماقصروا


راحت المباحث وقلنا خير يارب
عوضنا بتعبنا


جت المخدرات
وقدمنا أنا وولد خالي
هو كان معه واسطه وانا قدمت ونفسي مكسوره مامعي واسطه
وأحس مالي نفس بالتقديم بعكس ولد خالي كان متحمس للتقديم

حزت بخاطري طول فترة أنتضار فرز النتائج
وأفكر وشكثر هالدنيا تقسى على المحتاج

وسبحان الله وقت النتائج
يطلع رقمي انا ورقم ولد خالي اللي معه واسطه ماطلع

وأنتضر موعد تسليم الأوراق
ورحت سلمتها
وقالوا لنا أنتضروا الفرز الثاني

وتخيل من أصل 57 ألف متقدم
قبلوا 7 ألاف يعني 50 مالهم قبول

في الفرز الثاني من أصل 7 ألاف مقبول
حذفوا 4 ألاف وعليها
وبقي قرابة 3 ألاف بالكثير
وطلع رقمي بدون أي واسطه والله يشهد على كلامي

ولم فرحت بالموعد الثاني
بدت الأتصالات تبارك لي بالقبول
وخلصت كل أوراقي وسلمتها وكلها سليمه ولله الفضل والمنه
وفي هذا اليوم اتصل على ولد خالي اللي كان يبي يتوسط لأخوه
وأعطيه رقم الطلب

وأنصدم بالفرز النهائي أن ربي ماكتب لي فيها نصيب



تأكدت أن السبب في الرزق
هو التوكل على الله وحده بدون شريك
لاواسطه ولاهم يحزنون

وإذا تبي تتأكد ان اللي يمنع رزقك هو الواسطه
دقق في المواقف اللي مريت فيها
وبتلاحظ ان ماخلانا نعاني من البطاله إلى اننا مؤمنين بشيء أسمه واسطه
وللأسف أغلبنا ماهو مؤمن بإن الله يعين عبده إذا توكل عليه وحده


والله لالواء ولاأمير
إللي بيكتب لك فيها نصيب

ياما ناس اخذت استثنئات <<<<<يعني لو هالمتقدم أعور أو معوق تقبلونه
وفوق هذا ماأنقبلوا


إيماني بالله الحمد لله
أشتد أكثر من أول والسبب
إني متأكد انه ماخلقني بهالدنيا
إلا لطاعته وأقيم واجبته اللي فرضها عليه
وهو يدبر لي رزقي وييسر لي أمري ويفتح لي أبوابه



فبكل ثقه
واسطتي ربي....