شوفي أختي ،، أنا اشتغلت مثل شغلك وجتني نفس الحالات اللي جتك ، وخصوصا ان مديري كان سعودي مو أجنبي مثلك ، بس كنت هبلا أدربي راسي ماعرف شي بالنظام لين صار لي خبره وجو ناس وعلموني بحقوقي كان يكرفني كرف اللذين ، بس صبرت ، وحاولت أضبط علاقتي مع البنات حتى يساعدوني، للأسف أضطريت أرفع تظلم للمدير الأكبر من المدير هذا مع أنهم أخوان لكن سبحان الله جا الرد مبرد للقلب وتم رفع راتبي وطبعا مامرت سليمه الا زاد الكرف ، شوفي الجوال = خوذيه معك بس لايكون بكاميرا وخليه صامت لاتطلعينه الا اذا خلص دوامك وبغيتي تدقين ع اهلك او السواق، أما الاستراحات والأكل مايحتاج أنا خبره فيها رتبي وقتك وجيبي معك من البيت كم كاكاو وبسكوته ومن هالكلام ، ولامانع أنك تعطين الربع اللي عندك تراهم (مشفوحين ع الأكل ) أقصد الاجنبيات ومثل مايقولون بسوريا العزيزه : طعمي التم تستحي العين ،، للأسف بوظيفتي ممنوع أطلع من مكاني حتى وقت الصلاة ممنوع نصلي بس مع الوقت يملون من المراقبه ويخلونك تطلعين، بس الافضل ماتطلعين هذا من مصلحتك حتى شغلك مايخربه غيرك من البنات، وحاولي وقت الصلاة تبادلين وحده موثوقه ،، وترجعين بسرعه، مابي ازودها عليكِ بس النظره ماراح تتعدل ، خصوصا اذا انتي بمجتمع مغلق وعقول متحجره ، صدقيني حتى لوتركتي الشغل ماراح تتغير النظره لأن أصحابها ناقصين ، فلايهمونك وواصلي لين تستفيدين من وقتك وشغلك، الين الله يفرجها عليكِ بوظيفه جديده