السلام عليكم ورحمة الله وبركاته

راح اقول لكم قصتي على طوول

انا كنت موظفة قبل سنة في مدارس وجلس معهم 3 سنوات بعدين نقلت من البيت وتركت المدرسة

بعدين صرت اتنقل من مدرسة لمدرسة وكلهم كانوا يقولون لي نفس الكلام

نجربك اسبوع ونشوف شغلك وترانا محتاجين لو خلصتي الشغل بوقت قياسي خلاص بنوظفك

والله العظيم اني اجي المدرسة الشغل متراااااااااااااااااااااااااااااااكم واجلس عليه ما اطلع من المدرسة الا الساعة 2 مع المناوبة وبعد عشان ما ابي اجلس لحالي لكن اني وبحسن نية كنت ابي اثبت جدارتي و خلال اسبوع اخلص شغل متراكم من اول السنة

ويوم يخلص الاسبوع تقول لي خلاص خلي معلوماتك بس نحتاجك ندق عليك

والله ولا حتى تعطيني تعب هالاسبوع او الاسبوعين اللي اشتغلهم واخر شي انا اتدبس براتب السواق اللي يوديني هالاسبوعين

رجعت البيت وبعد اسبوع دقت علي مديرة مدرسة ثانيه قالت ان المدرسة الفلانية يمدحونك لنا ونبي نجرب شغلك احنا محتاجين موظفات

ونفسس الشي اجي شغل متراااااكم واخلصة واخر الاسبوع يقولون خلاص بس نحتاج ندق عليك

ولا راتب ولا هم يحزنون ولا حتى خبره !

كنت ارجع البيت واقول اكيد انا مقصرة في شغلي اكيد ما خلصت الشغل بسرعة اكيد واكيد

ونفس الشيء المدارس الثالثه دقوا قالوا ان المدارس اللي قبل يمدحونك لنا تعالي نبي نجرب شغلك

الين مسكتني وحده من الموظفات الله يجزاها خير وقالت لي قالت ترا والله احنا مكتفين وماحنا محتاجين شي لكن سمعت قبل اسبوع المديرة تكلم وحده وتقول ان في موظفة شاطره وتخلص الشغل بوقت قياسي وبشكل مرتب وممكن تفك زنقتك وبدون راتب اذا خلصتي منها قولي خلي رقمك ندق عليك بعدين

بالله عليكم وش رايكم ؟؟؟ معقولة في ناس كذا ماتحلل ولا تحرم ؟

ما اقول الا حسسسسسسسسسبي الله ونعم الوكيل