السلام عليكم
عندي مشكلة وانشالله تنحل
فيه شركة سويت عندهم مقابله وقبلوني ,,علموني المكان وانو الوظيفة مافيها اختلاط
والبوزشن اللي قبلوني عليه مره حلو وهو مسؤلة علاقات عامه

اتصلوا علي اوقع العقد اليوم ,,اكتشفت ان المكان غير عن المكان اللي حكوا لي بالمقابله مشيتها لهم على ان المبنى مابعد خلص ع كلامهم
رحت لمكانهم وكان في مكان بعيد ونائي وطول الطريق استخير
وصلت وشفت المكان كان مشبوه ومخيف جدا مايوحي بالراحه وتخيلوا طلعت انا ومعي وحده بس في المكان والباقي كلهم عمال ورجال

وكانوا مره متحمسين يبوني اوقع العقد حتى ماسألوني اوراقي الرسميه طبعا كانوا ماخذين صور مني وقت المقابله عن كل اوراقي
بس كان مفروض يسألون عن الاصل ولا ؟؟

المهم انا من شدة الخوف ومن لجه المصري فوق راسي قلت خلني اوقع بس واطلع من هالمكان وارجع بيتنا

اخذت العقد وقريته سريع لدرجه ماذكر اللي مكتوب بالضبط
وسبحان الله مارتحت ابد على انو الراتب زين والبوزشن حلو ويتعتبر زين على اني توي خريجة جديده بدون خبره ,,واسال الله يعوضني خير منها ,

الحين ايش بيصير علي ,,عادي اني تركتهم ,,ولا اعتبر مفصوله ولا ايش وضعي بالضبط؟

يقدرون يسجلوني بمكتب العمل او التأمينات بناء على توقيعي اليوم؟

اتمنى تفيدوني