الشكوى لله ..مايجي قرار زياده والا تثبيت الا ترتفع الاسعار وبالنسبه للمدارس الاهليه مااشوف لهم حق ابد انهم يزيدون الرسوم ع الطلاب والطالبات لان رواتب المعلمين والمعلمات اللي هي 5600 ريال ماهي كلها من المدرسه بس بعضهم الحسد والطمع لاعب فيهم الله يكفينا الشر وقسم بالله اغلب المدارس رواتبهم اساسا من 2000 ريال فما فوق وبعضها يوصل الراتب لـ3000 يعني بعد القرار ماراح تتاثر هذي المدارس وازيدكم من الشعر بيت زادوا الشروط التعجيزيه عقب الخمسه الاف واللي قاهرني وفاقع مرارتي اللي يشتغلون في هالمدارس ماهم سعوديين ويفضلون الغير سعوديه على السعوديه قبل وبعد القرار,, وشبت صدورهم غضب عشان ابومتعب اصدر هالقرار حاسدينا ع خيرات بلدنا بس الرزق عند رب العالمين موب عند الخلق الله يرزقنا من واسع فضله