والله موضوع حلو .. يجي على بالي بس ماقد فكرت فيه بموضوع جدّي

و1000 ريال مبلغ بسيط يستاهل المغامرة

بس المشكله اذا صرنا عليمية ماندري وش نسوي ونتوهق


عندي كم سؤال الله لا يهينك

1- أٌقدر افتح محفظة عن طريق النت ومايحتاج اروح للبنك نفسه ابداً ؟ ولا لازم اراجعهم؟ علماً اني ماقد اكتتبت ولا شيء ولا سويت ولا شي بالحياة خخخ

2- أشتري أي سهم أحمر ولا أشتري انزل واحد من الحمر ولا اعلى واحد منهم ولا كيف اعرف احدد بالضبط؟

3- مافهمت كلامك اللي تقول فيه( تشتري بعد اليوم الثالث من عملية جني الارباح او نزول السوق لاي سبب )
شفت رد لك تقول جني الارباح هو يكون بعد ارتفاع السواق لمدة معينه ونزوله فجأه بدون اسباب واضحه وهذا معناته ان اللي اشتروا باعوا .. قصدك وقت ماهم يبيعون ما اشتري .. واصبر ثلاث ايام بعدهم واشتري؟

4-مافهمت هذا الشيء( خمسه تفعل وقف الخساره بالي يريحك ( يعني شريت السهم ب 11 ريال نزول نص ريال تبيع وتنتظر فرصة اخرى)

5- متى أعرف متى أبيع لما يكون الربح كم تقريبا ؟ لازم اوصل لحد معين أو اي ارتفاع بسيط ابيع ؟

6- لو مثلا اشتريت وانشغلت ففرته ماقدرت اتابع .. اسبوع اسبوعين مثلا , يأثر علي ولا عادي ممكن لو رجعت ارجع اتابع واكمل العمليه بشكل طبيعي؟

7- الاسهم اللي توزع ارباح؟ ممكن تشرحها لو سمحت؟ وكيف اعرف عن طريق تداول زي ماقلت .. يعني كيف بعرف مواصفات السهم وكيف اعرف ان هذا افضل من الثاني؟

8- ( تراقب السوق حتى يرتفع لا ارتفع ونزل ثم نزل ثم نزل اشتر في احد هذه الشركات برسلها لك خاص ) << حتى انا ابيها خاص
وكمان مافهمت نزل ثم نزل ثم نزل قصدك اذا نزل ثلاث نسب؟ ولا نزل نزل نزل ايش بالضبط




اعتذر على كثرة الاسئله بس عجبني الموضوع وحبيت استفيد منك