اثاريني مسبب لك أزمة وانا مو داري ؟؟ اخرتها ما تنام ؟؟ هذا الحب وما يسوي لا تفكر كثير وان شاء الله سلامات ما تشوف شر كيف اشرحها لك ؟؟؟؟ شوف اخوي خلني افصلها لك بالتفصيل بس بليز لا يجي اخر الموضوع وتقول تأمين طبي مثل المره اللي فاتت ترى بـتـنـذبــح روح ادرس الشركات بالاول وشوف السوق وكيف يتعاملون ولو حسيت فيه طلب وعرفت مداخلهم بعدها ابدأ حسب التالي : اولا : تستأجر محل او مكتب ثانيا : تطلع السجل التجاري واشتراك الغرفة وتصريح البلدية ثالثا : تسوي مطبوعات للمؤسسة وختم والمطبوعات هي اوراق المؤسسة اللي تكتب عليها .. حطيت لك صورتها بالموضوع السابق رابعا : تكتب لك كم كلمة حلوه وانك متخصص بالنظافة والصيانة خامسا : تروح تلف على الشركات وتقدم هالمعروض لمدير الشئون الادارية بكل شركة وتجلس معاه وتفهمه انو عندك عماله متخصصين بالنظافة والصيانة سادسا : لو وافق انه يعطيك عقد الشركة سيكون كالتالي : 1 / هو سيحدد لك عدد العمال اللي تحتاج لهم الشركة عندهم 2 / راح يفصل لك نوعية العمال : كم عدد عامل بوفيه / عامل نظافة 3 / انت ترجع لمؤسستك وتكتب له عرض بقيمة العمال اللي طلبهم .... مثلا : تقول له عامل البوفية 2100 ريال شهريا ... وعامل النظافة بــ 2000 ريال . وترجع للرجال وتقدم له عرض السعر .... لو وافق على سعرك بيقولك نكتب عقد بينا اكتبوا العقد وخلص امورك ... بعدها انت تبحث عن شركات تأجر عمالها .. تروح لهم وتطلب منهم عدد عمال نفس اللي طلبها منك الرجال الاول ... وانا من رأيي تتفق شفهيا مع كفلاء العمال قبل توقيع العقود مع شركات طبعا ايجار العمال من كفيلهم الاساسي يتراوح بين 1600 الي 1700 ريال مع سكنهم عليك لو كانوا خارج منطقة كفيلهم ... بعد كذا تاخذ هالعمال وتوديهم للشركة اللي وقعت معاها العقد وكل شهر تقدم للشركة مطالبه بقيمة العمال اللي انت اتفقت عليهم مثلا لو كانوا خمسة عمال يكون الحساب كالتالي : 5 عمال في 2000 ريال شهريا = 10000 ريال .. << العشرة هذي مو كلها لك تروح لكفيل العمال وتقوله انا استأجرت منك خمسة عمال في 1600 ريال = 8000 ريال تفضل خذ حقك .. وانت يصفي لجيبك 2000 ريال ... ويصير كل شهر تجدد مع كفيلهم طالما انت عقدك شغال مع الشركة . كل ما كثرت عقودك مع الشركات كلما كثر عدد العمال وزاد ربحك .... وضحت وانا اخوك والا انتحر ؟؟ بس اخاف اموت لو انتحرت وانا مابي اموت للحين ما تزوجت