المشاركة الأصلية كتبت بواسطة الغازي

هو صحيح إنه طفش و تعب و ملل ما نختلف لكن حط في بالك مافي شيء من دون تعب و ما راح توصل للشيء من دون إنت ما تسعى له ... صدقني لو توكلت على الله و نظمت حياتك راح تمشي سهالة ... حاول بقدر المستطاع تضغط على نفسك ... الشهادة مفيدة

و الزمن اللي حنا فيه زمن شهادات ... ناظر لغيرك من الناس تلقى فيهم المريض و الجاوع و الفقير و المتبهذل و اليتيم ... و ناظر للناس اللي معهم الشهادات تراهم تعبو لين خذوها و إنت بعد أتعب شوي و صدقني ترى طعم النجاح شيء حلو ... و حط في بالك الخوي اللي قلبه ميت راح يميتك معه و راح يكسلك و الخوي اللي قلبه حي راح يحيك بإذن الله ... و العمر يجري و الوظائف تبي الشهادات ... و الوالدين ما راح يدومون لك ..

فإن ما عودت نفسك على الطموح و الإجتهاد ترى راح تخسر و تتعب نفسياً


لكن توكل على الله و داوم على الصلاة تراها مهمة و الفرق اللي بيننا و بين الكفار الصلاة فمن تركها فقد كفر
و أتصاحب مع أهل الخير و راح تلقى نفسك شوي ... شوي أتحسنت حياتك إن شاء الله ... ولا تجلس لوحدك كثير
و أسمع القرآن و الأفضل إنك تقراه و الله تعالى أعلم



س : وش تشوف نفسك بعد 5 سنوات لو أستمريت في هالوضوع ؟


طبعاً هالكلام موجه لي قبل لا يكون لأي أحد

و اعذرني إن كان كلامي قاسي عليك أو ما عجبك

أوصيك بهذا الدعاء النبوي

قال صلى الله عليه و سلم " اللهم إني أعوذ بك من الهم والحزن ، والعجز والكسل ، والجبن والبخل ، وضلع الدين ، وغلبة الرجال "
الراوي: أنس بن مالك المحدث: البخاري - المصدر: صحيح البخاري - الصفحة أو الرقم: 6369
خلاصة حكم المحدث: [صحيح]