اقتباس:
المشاركة الأصلية كتبت بواسطة زاد حلا
التجربه لاتثبت عليها انها غير صحيح ياعبدالله
فان ااقول الله لايهينك اذا تبغى توضح بالتفصيل فتفضل ..
امين الله يرزق الجميع
|
اي نعم اخوي الغالي انا بوضحلك لاني معاصر لهاالنشاط من اكثر من 5 سنوات...وسع صدرك الله يحفظك
ولايهمك اخوي بوضح من واقع تجربه...
اولا: حمولة التريله 500 كيس شعير وزن كل كيس 50 كيلو... في حال الزياده فان الميزان لك بالمرصاد بالغرامات على الوزن الزائد..
ثانيا:كنا نشتري من المصنع الكيس ب36 ريال ونبيع ب40 ريال... اما الان وبعد هذه الازمه فقد تولت مهمة توزيعه الجمعيه الزراعيه ...الجمعيه تبيعه عليناب37 ريال ونحن نبيعه على المواطن ب40 ريال فقط...
ثالثا:مع نقص الشعير في الايام الماضيه وجدت بمايسمى بالسوق السوداء وهذه السوق السوداء تظهر للاسف في الازمات فقد رأيناها في الاسمنت والحديد.. وتختفي في حال توفر المعروض
طريقة الحصول عليه هي وجود سماسره في مكاتب التحميل يعطون صاحب التريله امر بالتحميل يبيعونه الامر ب45 ريال وهو يبيعه ب50 و55 وهذه السوق ممنوعه ولوقبضوا على صاحب المعده لراح فيها هو ومعدته... اضف الى هذا انه محذور شرعي حسب فتوى اهل العلم..وانه لايجوز لانه استغلال حاجة المواطن...ومنهو اللي يبي يأكل حرام؟؟؟
وهذه السوق السودا تنتهي خلال فتره بسيطه حين توفر المعروض...
مشروع الاعلاف والتبن والشعير رائع ولكن بشرط
اولا يكون لديك مقر للتوزيع .
ثانيا ان تكون انت قائد المركبه اوشخص تثق فيه
ثالثا ان تكون المركبه موديل حديث ونظيفه. لانها اذاكانت من الموديلات القديمه تأكلك باعطالها.
الله يرزق الجميع يارب