محل له شهرين ومنتظر منه دخل ؟؟؟؟؟ لا اظن ذلك ...
انت لو توصف لواحد المكان قالك ما اظن فيه محل كمبيوتر هناك ... فكيف تدور على انه يغطي مصاريفه ؟؟؟
للان وانا اخوك الناس ما عرفوك ... ويبغى لك وقت عشان يعرفوا المحل ويضمنوا شغله
الامر المهم دوما نقول اللي بيفتح مشروع لازم يحط في باله انه بيصرف على المحل على الاقل لمدة 6 شهور ..
الصبر وانا اخوك ولا تستعجل الرزق .....
عموما اخوي ....
اول شي سوي اعلانات للمحل .. وما ابغاك تسوي اعلان في الوسيلة او المبوبه وما ادري ايش ...
اسمع روح مطبعة البلاستيك وخلهم يسوون لك اكياس بأسمك ... يكتبون عليها اسم المحل وايش يقدم من خدمات
والاكياس وزعها على البقالات والمحلات اللي عليها زباين كثير ....
قول للبقاله هذي اكياس هديه مني بدل الاكياس الزرقاء والصفراء ... طبعا البقاله بياخذها منك
وكل زبون وهو طالع بيحط اغراضة فيها ... ويكون اعلانك دخل كل بيت ..... واهم شي ان اسم المحل يدخل البيوت
الشي الاخر ...
سوي ثلاثة ايام صيانة مجانيه وفورمات مجاني ... ماعدا القطع ... واعلن عن هالشي ... بلوحة قماشية امام المحل
قدم هدايا غير مكلفة عليك ... لكل زبون حسابه فوق الـ 100 ريال ...
صمم خلفية سطح مكتب تكون بأسم المحل بس تكون خلفيه روووعة ولما تخلص صيانة الجهاز ثبت الخلفيه للزبون ويكون فيها رقم هاتف المحل ...
يبقى الفني لديك اهم من كل مافي المحل .. فهو الوحيد الذي سيجلب لك الزبون
وجودك بالمحل مهم جداااااااااا ..
مشكلة محلات الكمبيوتر ان فيها منافسه قويه جدا .. وطرق تطويرها ضعيفة امام الجميع
وفقك الله