احسه قتل للبنت..

الزواج شرع الله.. ولازم يكون تفاهم.. وتراضي.. ونضوج..

يعني بنت عمرها 25 سنة شلون بتتمتع بشبابها مع شايب عمره 82 سنة.. مافيه تواقف عمري ولا فكري .. الشايب ما راح يرضى رغباتها كأنثى.. ولا راح يتفهم مشاعرها كشابة.. ولا راح يطلع ويجي معها. ويغنجها ويدلعها مثل اي عروس متزوجة شاب...ما راح تسمع كلمات الحب ولا عباراته..كأنه لو شاب عمره 25 متزوج عجوز عمرها 82 ما راح ترضية..ما راح تحس بالامان معه.. وتجيب اطفال على راحتها.. وتربي اطفالها على راحتها.. ولا اطفالها راح يعيشون مثل اقرانهم.. لانه من يبلغ طفلها 7 سنوات.. ابوه يكون90 سنة..ومن يصير محتاج ابوه يكون واقف معه وهو ولد 17 يكون ابوه عمره 100سنة.. لا حول ولا قوة الابالله..

قبل فترة طويلة قرأت عن شمري زوج بنته وعمرها سبع سنوات وحلو انه صدر قرارا بسحب ولايته على بناته..

ومن كم شهر بنت حربية اعرفها.. كانت رافضة تماما الزواج.. ووصل فيها الامر تبوس رجل ابوها.. بس باعها عشان حفنت فلوس.. وابوها راح للمأذون وهو يعرفه.. وملكوا عليها بدون علمها.. وهي رافضة العريس.. الحين حياتها مشاكل.. مو اقادرة تتأقلم معه..


البنت انسانه لها مشاعر واحاسيس.. والزواج شركة يكون بين طرفين.. لازم تكون ناجحة على طول العمر..

البيت الزوجة مملكة وجنة يعيش فيها ملك وملكة.. يسودها الحب.. والتفاهم ..


مش سيد وجارية.. ولا اميره وعبد..

لاتقولون الرسول تزوج عائشة وهي صغيرة..رضي الله عنها..نعم تزوجها صغيره.. بس هل كل رجل في عقلية الرسول.. هل كل رجل يدرك ما تحتاجة المرأة مثل الرسول.. هل كل رجل لبى طلبات الانثى مثل الرسول.. هل كل رجل يعرف يتعامل مع الانثى مثل الرسول..كثير يعرفون الرسول تزوج كثير.. بس قليل يعرفون منهو الرسول الزوج.. منهو الرسول كأب..


الله يعينها.. ومفروض الاب يتحاكم..مش لانها بنته له الحق يتصرف فيها على راحته.. خذوه فغلوه..

الله اعطالها حقوق..ومانبي الا حقوقنا اللي عطانا الله..


الحمدلله الذي فضلنا على كثير من عبادة تفضيلا.. وصلاة ربي وسلامه على رسول الرحمن..المهداه للعالمين