لكل حامل أمانة من أصغر موظف إلى أكبر وزير
[ صوت شريحة كبيرة من شباب وفتيات المملكة ]
بقلم / راقي العليا
[poem=font="Traditional Arabic,7,,bold,italic" bkcolor="white" bkimage="" border="solid,10,red" type=2 line=1 align=center use=ex num="0,black""]
صبّحك بالخير يا حضرة جناب الوزير=وصبحك بالخير يا كرسيّه و مكتبه
ثم صبح الله شباب المملكة بألف خير=ما دامهم معك يا حضرتك بالملعبه
وين إنت عن مشكلتنا يا جناب الوزير=والمشكلة ماعرفنا اللي حصل وسببه
شابت طموحاتنا بصدورنا يالوزير=والعمر يمضي بسرعة والدهر ينهبه
مستقبل أيامنا مجهول حال و مصير=ونشوف كل الليال القادمه مرعبه
تغتال بصدورنا الفرحة كبير وصغير=لا شك بإنك لنا مكسب وبإنك هبه
بس إنت قلي وش التأخير ذا يالوزير=هو لجل سلّك لهذا وذاك لا تحجبه
كان إنها هيك ماني مزعجك يالوزير=الرزق بيد الولي بس إنتبه وإنتبه
الواسطة ظلم والظالم حسابه عسير=ومعاملات البشر ثلثينها مسربه
اسمع صدى الصوت دوّا بالفضا يالوزير=كسرّ حجاب السكون ومزقه ونكبه
بالله عطني تفاصيل الخبر يا وزير=حلمي تلاشا على الطبلون والمرتبه
ما بين نفحة سموم وبين نفحة عبير=شابت حلوم الشباب وروحنا المتعبه
اليوم ستة عشر شعبان لا يالوزير=وقبل أمس يطلبك ما حققت له مطلبه
و العمر يمضي بسرعة يا جناب الوزير=العمر يمضي بسرعة والدهر ينهبه
عطنا التفاصيل صرّح بالخبر يا وزير=خلاص عشنا من الواقع كذا تجربه
[/poem]